Foto: Ashyq derekkóz
Memlekettik satyp alýlar saıtynda BQO prokýratýrasynan erekshe tapsyrys paıda bolǵan. Qadaǵalaý organy joǵary ofıserler ókiline bylǵary plash tigýge buıryq bergen. Onyń quny 800 myń teńgege baǵalanǵan.
Oblystyq prokýratýranyń baspasóz qyzmeti 6 maýsymda baǵa usynystaryn suraý arqyly rasymen de osyndaı satyp alý jarııalanǵanyn habarlady. Baspasóz qyzmeti túsindirgendeı, qymbat kıim «qyzmettik qajettilikterge baılanysty» satyp alynǵan.
«2024 jylǵy 13 maýsymda «Kamoda» JShS-niń bir baǵa usynysyn usynýyna baılanysty memlekettik satyp alý ótkizilmedi dep tanyldy. Sol kúni memlekettik satyp alý portaly avtomatty túrde «Kamoda» JShS jetkizýshisine elektrondyq shaqyrý jasady. 2024 jylǵy 18 maýsymdaǵy memlekettik satyp alý qorytyndysy boıynsha, «Kamoda» JShS shaqyrylǵan jetkizýshimen «Elektrondyq satyp alý arqyly bir kózden alý» tásilimen memlekettik satyp alý týraly shart jasasý sheshimi qabyldandy», delingen prokýratýra habarlamasynda.
