Tártip saqshylaryn qoldaý qajet

Kezdesý barysynda depýtat áskerı bólim­niń jeke quramymen, olardyń materıaldyq-tehnıkalyq jabdyqtalýymen, áskerı qyz­met­shilerdiń jaǵdaıymen tanysty. Odan soń májilismen oblystyq polısııa de­par­tamentiniń qyzmetkerlerimen júz­des­ti. Onda qala aýmaǵyndaǵy qoǵam­dyq tár­tip, tur­ǵyndardyń qaýipsiz­digin qam­tama­syz etý boıynsha atqarylyp jatqan jumystar­men tanysyp, qyzmetker­lerdiń oı-pikirin tyńdady. Baqtyqoja Izmuham­betov polısııanyń qoǵamdaǵy rólin eskere kele tártip saqshylaryna da memleket tarapynan áleýmettik jáne quqyqtyq qoldaý qajet ekenin atap ótti.

– Qaýipsiz memleketti qurý – memleket­tik saıasattyń negizgi ustanymdarynyń biri. «Amanat» partııasynyń saılaýaldy baǵdarlamasyna sáıkes quqyq qorǵaý organdary qyzmetkerlerin quqyqtyq jáne áleýmettik qorǵaýdy arttyrý jóninde keshendi shara qabyldaýdy jalǵastyramyz. Polısııa qyzmeti tıimdi, esep berýge min­detti sanalyp, halyqtyń qajet­­tiligin óteýge tıis. Kásibılik, ıman­dy­lyq pen adamgershilik polısııa qyzmetkeri­niń izgi qasıetterine aınalýy kerek, – dedi ol.

Sonymen qatar Májilis depýtaty óńirdegi Tótenshe jaǵdaılar departamenti­niń jeke quramymen kezdesti. Jıynǵa «Amanat» partııasy oblystyq fılıalynyń atqarýshy hatshysynyń orynbasary Qýantaı Bısalıev, oblys ákiminiń orynbasary Qaırat Nurtaev, oblystyq ardagerler keńesiniń tóraǵasy Murat Ýteshov, oblystyq Tótenshe jaǵdaılar departamentiniń bastyǵy Nurlan Jańabaev, máslıhat depýtattary, jaýapty mamandar jáne departament qyzmetkerleri qatysty.

Jıyn barysynda halyq qalaýlysy №13 ma­mandandyrylǵan órt sóndirý bóliminiń mate­rıaldyq-tehnıkalyq jabdyqtalýymen ta­nys­ty. Keıin jeke qurammen kezdesip, olar­dy tolǵandyratyn máselelerdi tyńdap, Par­la­ment qabyrǵasynda atqarylyp jatqan jumys­tar men jańadan qabyldanǵan zańdar týra­ly aq­parat berdi. Sondaı-aq basqosýda jeke qu­ram­­nyń biliktiligin arttyrýǵa, jumys ja­ǵ­daı­laryn jaqsartýǵa qatysty máseleler talqylandy.