Foto: Astana ákimdigi
Elordanyń árbir aýdanynda kún saıyn ruqsat etilmegen polıgondardyń bolýyna monıtorıng júrgiziledi. Jyl basynan beri qala jáne oǵan irgeles aýmaq boıynsha 100-den astam ýchaske joıylyp, 90 myń tonnaǵa jýyq qoqys shyǵaryldy.
Mysaly, Almaty aýdany boıynsha 61 ýchaske joıylyp, 23,5 myń tonna qoqys (3357 reıs) shyǵaryldy.
Baıqońyr aýdanynda 4 ýchaske joıylyp, 5 461 tonna qoqys shyǵaryldy.
Esil aýdany boıynsha 12 núkte joıylyp, 12,6 myń tonna qoqys shyǵaryldy.
Saryarqa aýdany boıynsha 22 stıhııalyq qoqys orny pysyqtalyp, 18 myń tonna qoqys shyǵaryldy. Jumys áli de jalǵasyp jatyr.
Nura aýdanynan joıylǵan 4 núkteden 27 myń tonna qoqys shyǵaryldy.
Astanada ruqsat etilmegen qoqys úıindilerinen qoqys jınaýǵa arnalǵan qalalyq QTQ polıgonynyń janynda ýaqytsha alań belgilendi, ol Alash, 64 tas jolynda ornalasqan.
Kún saıyn iKomek arqyly qurylys alańdarynan qoqys shyǵarý jáne orynsyz oryndarǵa qoqysty túsirý faktileri belgilenedi, quqyq qorǵaý organdarymen birlesip reıdtik is-sharalar júrgiziledi. Jyl basynan beri 161 ákimshilik quqyq buzýshylyq anyqtaldy, 5 mln 200 myń teńgeden astam somaǵa aıyppul salyndy.
Zańsyz polıgondardy joıý jumystary jalǵasyp jatyr. Onyń ishinde jańa oshaqtardyń paıda bolýyna jol bermeý boıynsha sharalar qabyldanýda.
Esterińizge sala keteıik, «Taza Qazaqstan. Astana – tazalyq pen tártiptiń úlgisi» aýqymdy ekologııalyq aksııasy aıasynda qalany sanıtarlyq tazartý, nóser jáne aryq kárizderin tazartý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.
Sondaı-aq jasyl jelekterdi kútip-ustaý jáne otyrǵyzý, saýda obektilerine irgeles aýmaqtardy jınaý, kógaldar men gúlzarlar ornatý, ruqsat etilmegen polıgondardy joıý jáne t. b. jumystar júrgiziledi.
