BAǴA BAQYLAÝǴA ALYNBAQ

Eger áńgimeniń ashyǵyn aıtar bolsaq, búginde azyq-túlik baǵasy adymdap bara jatqan syńaıly. Sózimiz dáleldi bolýy úshin azyq-túlik bazaryna atbasyn buryp, baǵanyń búgingi jaı-kúıimen ta­nys­­qan edik. Jaz mezgili bolǵan soń ba, sıyr eti 50 teńgege, al qoı eti 100 teńgege, jylqy eti 20, qus eti 10 teńgege ósip tur eken. О́ki­nishtisi sol, kartop pen jýa bu­ryn­ǵydan eki esege ósip, ıaǵnı 100 teń­gege mańaılap tur. Sondaı-aq tu­tynýshylar jyl basyndaǵydan sá­bizge – 45, al almaǵa 26 paıyzǵa ús­­teme aqsha tóleýge májbúr bolýda. Baǵany baqylap otyratyn “Qaz­agromarketıng” AQ-tyń bizge bergen málimetine júginer bolsaq, Syr aımaǵyndaǵy sıyr eti res­pýblıkalyq deńgeıden – 25, qoı eti – 7, kartop –34, pııaz 24 teń­gege qymbattaǵan. Ony aıtasyz, Syr aımaǵynyń Aral óńirinde  óndiriletin as tuzynyń baǵasy respýblıkalyq kórsetkishten 5 teńgege qymbat bolyp tur. Sonymen Syr aımaǵynda azyq-túlik baǵasynyń kúrt kóterilýiniń syry nede? Aımaqta jylyjaı sharýa­shylyǵy órken jaıa almaı otyr. Jalpy kólemi 0,6 gektardy quraıtyn 13 qana jylyjaı bar eken. Bul – bir. Ekinshiden, kókónister saqtaıtyn qoımalar da joqtyń qasy. Sodan da egis basy­nan ónimdi qolma-qol aqshaǵa al­ǵandar tutynýshylarǵa jetkizgen­deri úshin ústeme baǵa qoıýdy ádet­ke, ıaǵnı “kásipke” aı­naldyrǵan. Son­daı-aq maýsym­dyq kezeńde syrttan tasymaldanatyn ónim­derdi tutynýshylarǵa tikeleı jetkizý júıesi de qalypqa túspeı otyr. Ýaqytynda azyq-túlik baǵasyn tómendetý maqsatynda salynǵan kommýnaldyq bazarlar­dan kópshilik kútken úmit te aq­talmaǵan syńaıly. Bázbir aýdan­dandarda azyq-túlik bazarlary­nyń jumysy toqtap qalsa, “Arzan bazar” JShS qara­jat je­tispeýshiliginen óz mindetin toly­ǵymen atqara almaýda. Joǵarydaǵy osy bir jaǵymsyz jaılardy basty nazaryna alǵan oblys ákimi Bolatbek Qýandyqov, aımaqtaǵy azyq-túlik baǵasyn tu­raqtandyrý baǵytynda keńeıtil­gen keńes ótkizdi. Oǵan tıesili basqarma basshylary, kóterme saýda oryn­dary men iri saýda or­talyq­tary­nyń ókilderi qatysyp, azyq-túlik baǵalaryn basty baqylaýǵa alýdy tilderine tıek etti. Eger naqty derekterge júginer bolsaq, oblys turǵyndary ózde­rin-ózderi azyq-túlik ónimderimen qam­tamasyz etýlerine tolyq múm­kin­dikteri bar. Atap aıtqanda, Syr dıqandary ala jazdaı mar­jan­daı tók­ken mańdaı terleriniń arqa­syn­da qyzanaqty – 5,1, qııar­dy – 4,3, kartopty – 2,2, baq­sha daqyldaryn 8,2 esege artyq óndiredi. Sondaı-aq, sońǵy jyl­dary oblys ákiminiń tikeleı bas­ta­masymen azyq-túlik jármeń­ke­sin ótkizý jaqsy dástúrge aınalǵan. Joǵarydaǵy osy jaǵdaıat­tardy egjeı-tegjeıli baıan et­ken oblys ákimi oblystyq shtab jumysyn jandandyryp, baǵa­nyń negizsiz ósimin bol­dyrmaý úshin kóterme jabdyqtaýshylar­men yntymaq­tas­tyqta jumys ja­saýǵa qatań tapsyrma berdi. Kommý­nal­dyq bazarlar jumy­syn jandan­dyrý men “Arzan bazar” JShS-nyń saqtaý qoı­malaryn paıda­laný, jylyjaı sharýashyly­ǵynyń aıasyn keńeı­týdi de min­dettedi. Erkin ÁBIL. QYZYLORDA.