Foto: gov.kz
Bıyl 1 shildeden bastap elimizde mindetti dárilik zattardy tańbalaý jáne qadaǵalaý (sıfrlyq) bastaldy. Osylaısha, óndirilgen dárilik zattardy tańbalaýdyń birinshi kezeńi júzege asyrylmaq.
Dárilik zattardy tańbalaý jáne qadaǵalaý farmakologııalyq qadaǵalaýdyń tıimdiligin arttyrý, preparattardyń sapasyn baqylaý, óndiris kezeńinen bastap tutynýshyǵa deıingi sıkliniń monıtorıngisi, zańsyz aınalymǵa, onyń ishinde jalǵan ónimge qarsy is-qımyl maqsatynda engiziledi. Bul júıe dárilik zattardy utymdy paıdalanýǵa jáne satyp alýdy josparlaýǵa, sondaı-aq pasıentke baǵdarlanǵan tolyqqandy jáne senimdi dárilik qamtamasyz etýdi qalyptastyrýǵa septigin tıgizedi.
Joǵaryda atalǵandaı, tańbalaý júıesine dárilik zattardyń aınalymyna qatysýshylardyń barlyǵy kiredi. Qajetti aqparattyq júıeler kedenge kirýden bastap sońǵy alýshyǵa jetkizýge deıin biriktirilgen. Atalǵan jobanyń nátıjesi retinde dárilik zattardyń, onyń ishinde tegin medısınalyq kómektiń kepildendirilgen kólemi jáne mindetti áleýmettik medısınalyq saqtandyrý sheńberinde zańsyz aınalymynyń jolyn kesý bolmaq. Bul óz kezeginde azamattarymyzdyń qaýipsizdigine oń áser etetini sózsiz.
Gúlnara ǴABBASOVA,
Medısınalyq jáne farmasevtıkalyq baqylaý komıteti Astana qalasy departamenti basshysynyń mindetin atqarýshy
