Foto: adyrna.kz
Konkýrstyq irikteý nátıjelerine qaraǵanda, úmitkerlerdiń jartysy ǵana Konventke bılet aldy. Osylaısha, búgin, 13 shildede elordada elimizdiń 20 óńirinen kelgen 7 myńnan astam qatysýshy bir-birimen tanysyp, Qazaqstandaǵy eń úzdik azamattyq naýqandardy tańdaý úshin jınaldy.
Konventtiń basty ereksheligi - jappaı tanystyqtar. Berik kóldeneń baılanys ornatý úshin qatysýshylarǵa dostar «maınıngine» arnalǵan biregeı mobıldi qosymsha jáne Konventtiń arnaıy ishki valıýtasy - DOS_coin usynyldy, ony is-sharanyń 15 alańynan alýǵa bolady. Alynǵan monetalardy konvent taýarlaryna, sarapshylardyń jeke sheberlik sabaqtaryna, tanymal otandyq brendterdiń kıimderine jáne basqa da baǵaly syılyqtarǵa aıyrbastaýǵa bolady.
Aıta keteıik, kúni boıy Konvent alańynda «ZNAKOMAT» chellendjderi ótti.
Konventtiń basty is-sharasy «Aksıonıstter jarysy» boldy. Jańa Adamdardyń 12 biregeı azamattyq naýqany qatysýshylardyń daýysy men bas júlde – óńirlerde jobalaryn damytýǵa arnalǵan maqsatty grant úshin jarysqan edi. Jarysqa qatysýshylardyń arasynda zańsyz qoqys alańdarymen, buzaqylyqpen, dúkenderde merzimi ótken taýardardy satýmen, áıelderge kórsetiletin zorlyq-zombylyqpen, qumar oıyndarǵa táýeldilikpen, kámeletke tolmaǵandarǵa ishimdik satýmen jáne t.b. kúresetin azamattyq naýqandar da bar.
Konvent aýmaǵynda kúni boıy biregeı mazmundy jáne tanymal spıkerlerdiń qatysýymen dárister ótkiziledi. Demek, árkim ózine jaqyn dúnıeni taba alady: bilim aımaǵy, TıkTok aımaǵy, úzdikter, tamaqtaný, bı, streetart, mýzyka, gık mádenıeti jáne stıl aımaqtary. Sport súıer qaýymǵa fýtbol, kúres, streetball, skateboarding/bmx jáne workout aımaqtary qyzyq bolýy múmkin. Konvent sońynda Ninety One, Dequine, Aikyn, BONAPART jáne arnaıy qupııa qonaq óner kórsetetin gala-konsert ótedi.
«Tutas halyq bolyp birge bolýdy úırený – óner. Al bul fakýltet ázirge eshbir ýnıversıtette joq. Búgin biz birinshi kishkentaı tapsyrmany oryndaǵymyz keledi - bárin bir-birimen tanystyrý, osylaısha senderdiń qarym-qatynastaryń jáne dostyqtaryń bastalyp, jyldar boıy aralaryńdy bóletin kez kelgen qashyqtyqqa qaramastan sóılesýge múmkindik beredi. Al bizdiń búkil Qazaqstanmen kezdesýlerimiz jyl saıynǵy dástúr bolyp, jańa merekege aınalǵanyn qalaımyz», deıdiJańa Adamdar kóshbasshysy Ásel Badenova.
