Rybakına jyl basynan beri 4901 upaı jınady. Otandasymyz Ýımbldonnyń fınalısi ıtalııalyq Iаsmın Paolınıdi basyp ozdy, onyń enshisinde 4505 upaı bar. Al polshalyq Iga Shventek 7465 upaımen kósh bastap tur.
Aıta keteıik, WTA chempıondyq jarysy – bul maýsymnyń eń úzdik segiz tennısshisi qatysatyn jyldyń qorytyndy týrnıri. Bıyldan bastap 2026 jylǵa deıin týrnır Er-Rııadta (Saýd Arabııasy) ótedi. 2024 jyly jarys 2-9 qarasha aralyǵynda ótedi. Júlde qory rekordtyq 15,25 mıllıon dollardy quraıdy.
Esterińizge sala keteıik, Rybakına Ýımbldon-2024 jartylaı fınalyna jetip, týrnırdiń bolashaq chempıony chehııalyq Barbora Kreıchıkovadan jeńilip qaldy.
Al WTA reıtıngi boıynsha Elena Rybakına 4-orynda tur. Enshisinde 6376 upaı bar. Úshinshi orynda – 7061 upaımen Arına Sobolenko. Ekinshi orynda 8173 upaımen Koko Goff tur. Al kósh basynda – 11285 upaımen Iga Shventek.
