S.Asfendııarov atyndaǵy QazUMÝ túlekteri, salada 11 jyl tájirıbesi bar mamandar – jalpy tájirıbelik dáriger, anestezıolog-reanımatolog, kardıolog Janaıdar Ábeýov pen onyń jubaıy terapevt, ftızıatr, fýnksıonaldyq dıagnostıka dárigeri Aıgerim Baızaqova ashqan jańa ASU-MED klınıkasynda kardıolog, nevropatolog, hırýrg, terapevt, pedıatr, ýrolog dárigerleri keńes berip, qabyldaý júrgizedi. Budan bólek, fýnksıonaldyq dıagnostıka kabıneti, onyń ishinde elektrokardıogramma, júrekti ýltradybystyq zertteý, arterııalyq qan qysymyn 24 saǵat baqylaý (SMAD), júrek yrǵaǵynyń buzylystaryn baqylaý, (Holter EKG), baýyr, kókbaýyr, ót qaby, uıqy bezi men búırekti ýltradybystyq zertteý bar.
Turǵyndar kúndizgi emdeý bóliminen em qabyldap, arnaıy em-shara bólmesinen qajetti dári-dármekterin salǵyza alady. Klınıka janynda laboratorııa men dárihana da bar.
Jańa klınıkanyń ashylýy 37 myńǵa jýyq turǵyny bar aýdanǵa áleýmettik qoldaý bolary anyq.
Mańǵystaý oblysy
