2019 jyldan bastap arnaıy bilim berý uıymdarynyń jelisi 83 birlikke, al erekshe bilim berý qajettiligi bar balalardy qamtý 20%-ǵa ulǵaıdy. Búginde balalardyń 76%-y arnaıy psıhologııalyq-pedagogıkalyq qoldaýmen qamtylǵan. Bul týraly BUU-nyń Jenevadaǵy Múgedekterdiń quqyqtary týraly Konvensııada Oqý-aǵartý vıse-mınıstri Edil Ospan málimdedi.
«Inklıýzıvti bilim berýdi damytý jóninde strategııalar men baǵdarlamalar ázirlendi. Aldaǵy ýaqytta pedagogterge oqytý semınarlary men trenıngter uıymdastyrylyp, mektepter men oqý oryndarynyń bastamalary qoldaý tabady. Arnaıy bilim berý uıymdarynyń jelisi 68-ge ulǵaıdy. Mektepter bazasynda ınklıýzııany qoldaýdyń 708 kabıneti, 22 resýrstyq konsýltatıvtik ortalyq ashyldy. Oqý mekemelerine 2,5 myńǵa jýyq pedagog-assıstent, 9,7 myń arnaıy pedagog, 12 myńnan asa pedagog-psıholog jáne áleýmettik pedagogter jumysqa qabyldandy. 600-den asa arnaıy oqý baǵdarlamalary ázirlendi. Kedergisiz jáne ınklıýzıvti ortany qalyptastyrý úshin oqý oryndarynda ınklıýzıvti bilim berýdiń úzdiksiz júıesiniń ulttyq modeli engiziledi», dedi ol.
Qazir elimizde arnaıy bilim berý uıymdarynyń jelisi qurylǵan. Atap aıtqanda, 44 arnaıy balabaqsha, 99 arnaıy mektep, 10 aýtızm ortalyǵy, 13 ońaltý ortalyǵy bar. Al qalǵan balalar ınklıýzııa jaǵdaıynda jalpy bilim beretin mektepterde oqıdy. Byltyr qarashada Oqý-aǵartý mınıstrliginiń janynan bilim berýdiń barlyq deńgeıin qamtý maqsatynda Inklıýzıvti jáne arnaıy bilim berý departamenti quryldy. Atalǵan departamenttiń dırektory Laýra Botabaeva balalarǵa kedergisiz orta qurý bolashaqqa salynǵan ınvestısııa ekenin aıtady.
«Oqý-aǵartý mınıstrligi «Dara» qorymen birlesip, nólden úsh jasqa deıingi balalarǵa arnalǵan «Erte qoldaý» jobasyn qolǵa aldy. Qazir elimizde erekshe bilim berýdi qajet etetin 200 myńnan asa bala bar. 500-ge jýyq bilim berý uıymy erekshe bilim berýdi qajet etetin balalarǵa arnaıy bilim berý qyzmetin kórsetip keledi. Sondaı-aq 1 051 mektepte ınklıýzıvti bilim berýdi qoldaý kabınetteri jumys istep tur», deıdi L.Botabaeva.
