Foto: Týrızm jáne sport mınıstrligi
Qazaqstan Táýelsizdik jyldarynan beri osymen segizinshi ret jazǵy Olımpıadaǵa qatyspaq. Is-sharada Týrızm jáne sport mınıstri Ermek Marjyqpaev sportshylar jáne jattyqtyrýshylar quramymen áńgimelesip, aldaǵy jarystarǵa sáttilik tiledi.
«Sizderdiń aldaryńyzda elimizdi Parıj Olımpıadasynda tanystyrý, el namysyn abyroımen qorǵaý sııaqty mańyzdy ári óte jaýapty mindet tur. Sizderdiń chempıondyq minezderińiz, tabandylyqtaryńyz, jeńiske degen erik-jigerlerińiz, osy kúnge deıin jıǵan tájirıbelerińiz, jattyqtyrýshylardyń, dárigerlerdiń, massaj jasaýshylardyń qajyrly eńbeginiń arqasynda úlken nátıjege jetetinimizge senimdimin», dedi Ermek Marjyqpaev.
Aıta keteıik, tórtjyldyqtyń basty dodasy 26 shilde men 11 tamyz aralyǵynda Parıj qalasynda ótedi. Fransııa astanasynda Qazaqstan quramasy sapynan 80 atlet sporttyń 25 túrinen baq synaıdy.
