Foto:Ashyq derekkóz
16 shildede Bas prokýratýranyń Quqyqtyq statıstıka jáne arnaıy esepke alý jónindegi komıtetiniń tóraǵasy Sábıt Nurlybaıdyń jetekshiligimen jol qozǵalysy qaýipsizdigin qamtamasyz etý jónindegi vedomstvoaralyq jumys tobynyń kezekti otyrysy ótken edi.
Kezdesý barysynda Atyraý oblysynyń tájirıbesi qaraldy, onda qala syrtyndaǵy trassalardy buzýshylyqtardy zamanaýı fotobeınetirkeý júıelerimen jabdyqtalǵan sáıkestendirý belgileri joq polısııanyń qyzmettik avtomashınalarmen patrýldeý jumysy sátti synaqtan ótken.
Belgili bolǵandaı, mundaı quqyq buzýshylyqtar týraly aqparat avtomatty túrde BP QSjAEK ÁIBT-niń Prosessıng ortalyǵyna jiberiledi, al quqyqbuzýshyǵa aıyppul týraly habarlama keledi.
Sonymen qatar IIM elimizdiń barlyq óńirinde osyndaı tájirıbeni synaýdy, sondaı-aq Komıtetpen birlesip jol-kólik oqıǵalarynyń dıagrammalaryn jasaý úshin «drondardy» paıdalaný múmkindigi týraly tehnıkalyq sheshimdi zerdeleýdi usynǵan.
