Boryshtan kimder bosatyldy

«Qazaqstan Respýb­lı­kasy azamattarynyń tólem qa­bilettiligin qalpyna kel­tirý jáne bankrottyǵy týraly» zańy halyqtyń shamadan tys nesıe alý máselesin sheshýge zor yqpalyn tıgizip tur. Atalǵan qujat byltyr kúshine enip, qyrkúıek aıy­­nan bastap ótinish bergen alǵashqy azamattar bankrot bolyp tanyla bastady. Bul úrdis onlaın formatta júrgiziledi. Ol úshin «Jeke tulǵalardyń bankrottyǵy» degen aqparattyq júıe quryl­dy. Osy jóninde Qar­jy vıse-mınıstri Erjan Bir­ja­nov aıtyp berdi.

«Sottyq rejimde de aryzdar qaraldy. Bul aryzdar ne­gizinde 12,2 mlrd qaryz ke­shi­ril­di. Búginde jeke tul­ǵa­lar – 13 myń adam bankrot de­p­ ta­­nyldy. Sóıtip, barlyǵy 40 mlrd teńge ke­shirildi», deıdi ol.­

Vıse-mınıstrdiń aı­týynsha, 102 myń aryz­da­nýshynyń 13 myńy sottan tys bankrot bolyp tanyldy. Onyń ishinde 27 mlrd teńge keshirilgen. Kóp aryzdanýshynyń qujaty keri qaıtarylǵan. Buǵan múlik pen avtokóliktiń bolýy, bank pen qarjylyq uıymdardyń tizi­minde bolmaýy sebep boldy.

Jaýapty mekeme qabyl­danǵan zańǵa birqatar ózgeris engizgen. Máselen, endi qarjy uıym­darymen qarym-qaty­nasty retteý qujaty bolmasa, ony aqparattyq júıeden alýǵa múmkindik beriledi. Tizimnen tabylmaǵan aryzdanýshy óz aryzyn qaıta bere alady. Shetelge shyǵý rásimin qalpyna keltirý kezinde sot sheshimi shyǵyp, jospar qoıylǵanǵa deıin ǵana shekteý qoıyp, odan keıin shekteýdi alyp tastaý kózdelgen.

Al bankrot bolyp ta­nyl­ǵandardyń arasynda ataýly áleýmettik kómek alatyn 1 200 azamat bar. Olardyń 1,4 mlrd teńge qaryzy keshirildi. 5 jyldan asa ýaqyt qaryzy bar 6 500 adam bankrot dep tanylǵan. Olardyń 18 mlrd teńge qaryzy keshirildi.

Bıyldan bastap elimizde talaı jyl taırańdap kelgen keıbir mıkroqarjy uıym­dary lısenzııasynan aıyryldy. Sóıtip, oǵan bereshegi bar azamattar ósim­­pulsyz qaryzdaryn qaıta­rý­ǵa múm­kin­dik aldy. Tipti keı­bir qaryzdar zańsyz resim­delgeni rastalsa, qaryz qaı­ta­ryl­maı­tyn boldy. Bul jaıt bú­ginde biraz boryshkerdiń tynysyn ashyp jatqany ras.