Foto: gorzdrav.org
Sarhat Beısenovanyń málimetinshe, 11 dert boıynsha syrqattaný tómendep, 7 aýrý túrine shaldyǵý ósken.
«11 nozologııa boıynsha syrqattanýshylyqtyń tómendeýi baıqalady. Atap aıtqanda, KVI 12 ese, enterovırýstyq ınfeksııa 9,3 ese, serozdy menıngıt 3 ese, JRVI 2 ese, V vırýstyq gepatıtiniń jiti túri 43%-ǵa tómendedi. Sondaı-aq skarlatına, V jáne S vırýstyq gepatıtiniń sozylmaly túrleri, salmonellez, tumaý, dızenterııa sekildi dertterdiń azaıǵany baıqaldy», dedi Sarhat Beısenova.
Qalanyń bas sanıtary kókjótel men qyzylshamen syrqattaný derekteri edáýir artqanyn qosa aıtty.
«Júrgizilip jatqan jumystarǵa qaramastan, 7 nozologııa boıynsha syrqattanýshylyqtyń ósýi baıqalyp otyr. Mysaly, kókjótel 81 ese, qyzylsha 12 ese, parotıt 3 ese, vırýstyq A gepatıti 1,5 ese, rotavırýstyq ınfeksııa 17%, jedel ishek ınfeksııasy 13,9% jáne týberkýlez 11% ósti», dedi Sarhat Beısenova.
