Foto: gov.kz
«2024 jyldyń 15 shildesinde Qazaqstan Úkimeti jańa komıtetter qurý týraly qaýly qabyldady. Endi Ádilet mınıstrliginde zııatkerlik menshik quqyǵy, májbúrlep oryndatý, tirkeý qyzmeti jáne zań qyzmetterin uıymdastyrý komıteti quryldy», delingen habarlamada.
Zııatkerlik menshik quqyǵy komıteti shyǵarmashylyq pen ınnovasııany damytyp, zııatkerlik menshik quqyqtaryn qorǵaý jáne saqtaý máselelerimen aınalysady. Bul patent pen avtorlyq quqyqty tıimdi basqarýǵa, sondaı-aq ǵylym, tehnologııa jáne mádenıettiń damýyna jol ashady.
Májbúrlep oryndatý komıteti sot oryndaýshylary is-áreketiniń zańdylyǵyn saqtaý, halyqpen tyǵyz jumys isteý, azamattardyń buzylǵan quqyqtaryn jedel qalpyna keltirý boıynsha jumys isteıdi. Sondaı-aq atqarýshylyq is júrgizýdi jańǵyrtýǵa basymdyq beredi.
Tirkeý qyzmeti jáne zań qyzmetterin uıymdastyrý komıteti zańdy tulǵalardy tirkeý, jyljymaıtyn múlikke quqyq, notarıattyq jáne advokattyq qyzmetti retteý salasyndaǵy baqylaýdy júzege asyrady.
