Bank • 19 Shilde, 2024

Endi halyqqa nesıe berý tártibi ózgerýi múmkin

230 ret

kórsetildi

1 mın

oqý úshin

Endi bankter qaryz alýshylardy baǵalaý úshin jańa qaryz koeffısıentin (DTI) paıdalanady. Bastamany Qarjy naryǵyn retteý jáne damytý agenttigi usynyp, qujat Open Legal Regulations saıtynda jarııalandy. Bul jańashyldyq turǵyndar arasyndaǵy qaryz deńgeıin tómendetýge baǵyttalǵan, dep habarlaıdy Egemen.kz.

Azamat QOIShYǴARA

Endi halyqqa nesıe berý tártibi ózgerýi múmkin

Jańa prýdensıaldyq normatıv – qaryz alýshynyń kirisine qaryzdyń koeffısıenti (DTI), ol qaryz alýshynyń barlyq qaryz túrleri boıynsha jalpy qaryz júktemesiniń maksımaldy lımıtin belgileıdi, qaryz alýshynyń barlyq nesıelik mindettemeleri somasynyń jyldyq kirisine qatynasy retinde esepteledi.

Ol qaryz alýshynyń barlyq nesıeleriniń jyldyq kirisine qatynasy retinde esepteledi. Bul koeffısıent bankter turǵyn úı nesıeleri men burynnan bar nesıe jelilerin qospaǵanda, bızneske qatysy joq taýarlar men qyzmetterdi satyp alýǵa nesıe berý kezinde eskerilýi kerek.

Mıkroqarjy uıymdary da osyǵan uqsas koeffısıentti saqtaýǵa mindetti bolady. DTI koeffısıentiniń naqty máni áli jarııalanǵan joq, ol engizilgennen keıin esepteletin bolady. Jańa koeffısıent bankterge qoıylatyn mindetti talaptardyń bir bóligine aınalady.

Qujat "Ashyq NQA" saıtynda ornalasqan, ony jarııa talqylaý 2024 jylǵy 31 shildege deıin jalǵasady.