Foto: Astana qalasynyń ákimdigi
Sarhat Beısenovanyń málimetinshe, Astanada bıylǵy 6 aı ishinde 1 jasqa deıingi balalardy dıfterııaǵa, sirespege, kókjótelge, gemofıldi ınfeksııaǵa, polıomıelıtke, pnevmokokkty ınfeksııaǵa, 16-17 jas aralyǵyndaǵy jasóspirimderdiń dıfterııasyna jáne sirespege qarsy ekpelermen qamtý josparly júzege asyrylyp jatyr.
«Nátıjesinde bıylǵy jarty jylda kókjóteldiń 435 rastalǵan jaǵdaıy tirkeldi, 14 jasqa deıingi balalar arasynda – 417 (kórsetkish – 100 myń turǵynǵa shaqqanda 30,5), 2023 jyly kókjóteldiń 5 jaǵdaıy tirkeldi, ósim 82 ese. Aýrýdyń negizgi sebebi 54% nemese 234 jaǵdaıda ata-analardyń kókjótelge qarsy profılaktıkalyq egýden bas tartýy bolyp sanalady», dedi elordanyń bas sanıtarlyq dárigeri.
Oǵan qosa astanalyqtar arasynda qyzylsha juqtyrý deregi de edáýir artqan.
«О́tken jyldyń naýryz aıynan bastap elordada qyzylshamen syrqattanýshylyqtyń ósýi baıqaldy. Bıylǵy 6 aıda qyzylshanyń 1541 rastalǵan jaǵdaıy tirkeldi, onyń ishinde 14 jasqa deıingi balalar arasynda 1059 jaǵdaı, ósim 12 ese, syrqattanǵandardyń ishinen qyzylshaǵa qarsy 1069 adam egilmegen», dedi Sarhat Beısenova.
Densaýlyq saqtaý departamenti áleýmettik jelide ekpeniń áseri týraly kórineý jalǵan aqparatqa baqylaý júrgiziletinin de habarlady. Departament tarapynan júrgizilgen túsindirý jumystarynan keıin 2472 ata-ana vaksınasııanyń mańyzdylyǵyn túsinip, balalaryn ektirgen, onyń ishinde 623-i buryn vaksınasııadan bas tartqandar. Bul kórsetkish 2022 jylmen salystyrǵanda 7 ese joǵary.
