Jas patrıottar jarysy

Is-shara Keńes Odaǵynyń batyry, Halyq qaharmany, táýelsiz Qazaqstannyń tuń­ǵysh Qorǵanys mınıstri, armııa generaly Saǵadat Nurmaǵambetovtiń týǵanyna 100 jyl tolýyna oraılas­tyryldy. Jıynnyń ashylý saltanatyna Qaýipsizdik keńesiniń hatshysy Ǵızat Nurdáýletov, Qorǵanys mınıstri Rýslan Jaqsylyqov, Ulttyq ulannyń «Ońtústik» óńirlik qolbasshylyǵy­nyń qolbasshysy Talapker Ámireev jáne onyń tárbıe jáne áleýmettik-quqyqtyq jumystar jónindegi orynbasary, polkovnık Nııaztaı Álkeshev, halyq batyrynyń qyzy Aısulý Nurmaǵambetova, sheteldik qonaqtar, elimiz­diń áskerı-patrıottyq klýbtary men oqý oryndary­nyń tárbıelenýshileri qa­tysty. Memleket basshysy Qasym-Jomart Toqaevtyń Qazaqstannyń jas patrıottaryna joldaýyn Qaýipsizdik keńesiniń hatshysy Ǵızat Nur­dáýletov oqyp berdi. Onda jıynnyń áskerı qyzmettegi tártip pen jaýapkershilik, ózara kómek pen uıymshyldyq joǵary nátıjelerge qol jet­kizý múmkindiginiń kepili ekeni aıtylǵan.

Jas jaýyngerlerdiń aldynda sóz alǵan Talapker Ámireev: «Eldiń damýy men gúldenýi, onyń keleshegi jas urpaqqa tikeleı baılanysty. Bolashaq el sarbazdaryn jas­taıynan jaýyngerlikke baýlý, olardyń boıyna otanshyldyq erlik rýhty qalyptastyrý – ortaq paryzymyz. Memleket basshysy byltyr búkil armııa­lyq keńeste «Jas sarbazdy» ulttyq deńgeıge kóterý kerek ekenin aıtty. Osyndaı is-shara kóp bolsa, bolashaqta patrıot jastardyń da qatary kóbeıerine senimdimin», dedi.

«Álı» oqý-jattyǵý orta­ly­ǵynda ótken jıynnyń al­ǵashqy kúninde Ulttyq ulan­nyń 6654 áskerı bóliminiń qara­maǵyndaǵy «Jas búrkit» áske­rı-patrıottyq klýby eki atalym boıynsha jeńimpaz atan­dy. Avtomatty tolyq ból­shekteý men jınaqtaý, son­daı-aq asyq atý oıyndaryn­da Qarakemer kentiniń M.Lomonosov atyndaǵy mek­te­biniń patrıottyq synyby úz­dik dep tanylyp, I oryndy ıelendi. Ulttyq ulan bas­ta­masymen qurylǵan «Jas búr­kit» klýbynyń áskerı-pat­rıot­tyq synyptary elimizdiń bar­lyq óńirindegi áskerı bólim­dermen birlesip, jastar saıa­sa­ty, ulttyq ıdeologııa ba­ǵy­tynda jemisti eńbek etip jatqany qýantady.