• 22 Qańtar, 2015

Aqparattar aǵyny

286 ret

kórsetildi

2 mın

oqý úshin

Egemen Qazaqstan

*О́tken jyly elimizdiń 20 myńǵa jýyq azamaty shartty aqshalaı kómekke ıe boldy. Densaýlyq saqtaý jáne áleýmettik damý mınıstrligi habarlaǵandaı, Aqmola, Shyǵys Qazaqstan jáne Jambyl oblystarynda «О́rleý» qanatqaqty jobasynyń arqasynda 3 843 otbasy nemese 19 909 azamat 413,3 mln. teńge kóleminde shartty aqshalaı kómek alǵan. *«Qazagromarketıng» AQ syıaqy mólsherlemelerin sýbsıdııalaýǵa ótinimder qabyldaı bastady. Qurylymnyń baspasóz qyzmeti bul sýbsıdııalaý memleketimizdiń agroónerkásiptik keshendi damytý jónindegi «Agrobıznes-2020» baǵdarlamasy aıasynda júrgiziletinin málimdedi. *Astanada Jeńistiń 70 jyldyǵyna oraı ardagerler úshin 579 mln. teńge bólindi. Qalalyq jumyspen qamtý jáne áleýmettik baǵdarlamalar basqarmasynyń dereginshe, qart maıdangerlerdi qoldaý maqsatynda keń aýqymdy aksııalar men is-sharalardy ótkizý josparlanǵan. Búginde elordada Uly Otan soǵysynyń 228 ardageri turyp jatyr. *Almatynyń 2015 jylǵy bıýdjeti naqtylandy. Qalalyq ákimdiktiń baspasóz qyzmeti atap kórsetkendeı, shahar bıýdjeti – 434 mlrd. 497 mln. 412,3 myń teńgeni, onyń ishinde bıýdjet shyǵyndaryn alyp tastaǵandaǵy naqtyly bıýdjet 350 mlrd. 841 mln. teńgeni qurady. *Qaraǵandylyq kásiporyndar Astanadaǵy EKSPO-2017 qalashyǵyn salýǵa qatysady. «Astana EKSPO-2017» UQ» AQ basqarmasynyń tóraǵasy Murat Omarovtyń aıtýynsha, óńirdegi óndiris oryndary qurylysqa qajetti temir-beton buıymdaryn, sendvıch panelder, polıetılen jáne prestelgen qubyrlar, radıatorlar jáne arnaıy kıimder jetkizip bermek. *Byltyr Ońtústik Qazaqstanda 405 myń sharshy metr turǵyn úı el ıgiligine usynyldy. Oblystyq qurylys basqarmasy basshysynyń mindetin atqarýshy Ermek Qydyrov 2014 jyly salaǵa tartylǵan ınvestısııa kólemi 187 mlrd. 614 mln. teńgege jetkenin málim etti. *Jambyl oblysynda avtobýstarǵa GPS-baqylaý ornatylyp jatyr. Oblystyq ákimdik ústimizdegi jyly baqylaýdyń biryńǵaı júıesin qurýǵa 18,2 mln. teńge qaralǵanyn jetkizdi. Búginde GPS júıesi Tarazdaǵy avtobýstardyń 50 paıyzyna qoıylǵan. *Mańǵystaý óńirinde mańyzdy qujat qabyldandy. Aımaqtaǵy munaı óndiretin 7 kásiporyn oblys ákimdigimen, kásipodaqtar keńesimen jáne kásipkerler palatasymen birlese otyryp, jumysshylardyń eńbek quqyqtaryn qamtamasyz etý maqsatynda memorandýmǵa qol qoıdy. Aımaq basshysy Alık Aıdarbaev muny joǵary baǵalady. Habarlar Úkimet, oblystyq ákimdikter saıttary men «QazAqparat» derekteri boıynsha daıyndaldy.