Foto: Azattyq Ruhy
«Astanada 1 tamyzdan bastap qoǵamdyq kólikte jol júrý aqysy 90 teńgeden 110 teńgege deıin kóteriledi. Aıta keteıik, 2014 jyldyń qyrkúıeginde qalalyq baǵyttarda jol júrý aqysy 90 teńge bolatyn», delingen habarlamada.
Aıta keteıik, 2020 jyldyń naýryz aıynan bastap Astanada jáne qala mańynda oqıtyn 18 jasqa deıingi balalar qoǵamdyq kólikte tegin júretin edi.
Bul jeńildik kelesi sanattarǵa jatatyn azamattarǵa da beriledi:
- Uly Otan soǵysynyń qatysýshylary men múgedekteri jáne olarǵa teńestirilgen tulǵalar;
- Jasy jáne eńbek sińirgen jyldary boıynsha zeınetkerler, sondaı-aq jasy boıynsha jáne asyraýshysynan aıyrylý jaǵdaıy boıynsha zeınetkerlik jasqa tolǵan memlekettik áleýmettik járdemaqy alýshylar;
- Kópbalaly analar;
- Kópbalaly otbasylar;
- Múgedekter;
- On segiz jasqa deıingi múgedek balalar, onyń ishinde ata-analarynyń biri (zańdy ókilderi).
- «Jappaı saıası qýǵyn-súrgin qurbandaryn ońaltý týraly» Qazaqstan Respýblıkasynyń zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqıǵalarǵa qatysýshylar qatarynan saıası qýǵyn-súrgin qurbandary.
Buǵan deıin Almaty qalasyndaǵy qoǵamdyq kólikte jol júrý qunynyń da qymbattaıtynyn habarlaǵan edik.
