Ekonomıka • 23 Shilde, 2024

Altyn fabrıkasy ashylady

144 ret

kórsetildi

1 mın

oqý úshin

Abaı oblysynyń Kókpekti aýdanynda Dore qorytpasyn óndirý kásipornyn iske qosý boıynsha qurylys-montajdaý jumystarynyń sońǵy kezeńi bastaldy. «Altyn Samruk Qazaqstan» AQ-nyń enshiles kompanııasy – «Eastern Gold» JShS júzege asyryp jatqan joba óńirdiń ındýstrııalandyrý kartasyna engizilgen.

Abaı AIMAǴAMBET

foto: gov.kz

Fabrıkanyń jobalyq qýaty – jylyna 200 myń tonna ken óńdeý jáne 200 kelige deıin taýarlyq ónim óndirý. Altyn-kúmis qorytpasyn shyǵaratyn jańa kásiporyn 2024 jyldyń IV toqsanynda ónerkásiptik paıdalanýǵa beriledi dep josparlanyp otyr.

Ken «Rodnıkovoe» jáne «Belaıa Gorka» ken oryndaryn ıgeretin jaqyn mańdaǵy karerlerden keledi. Osylaısha, ken óndirýden bastap Dore qorytpasyn óndirýge deıingi jańa tolyq sıkldi kásiporyn paıda bolady. Kenishtiń qazirgi rastalǵan mınımaldy qory fabrıkanyń kem degende 8-10 jyl jumys isteýin qamtamasyz etý úshin jetkilikti.

Jobanyń jalpy quny – 1 mlrd teńge. Altyn óndirý fabrıkasynyń quramyna usaqtaý-suryptaý kesheni, gıdrometallýrgııalyq sehtyń tehnologııalyq jelisi, zerthana, ákimshilik-turmystyq keshen, qyzmetkerlerge arnalǵan turmystyq, sanıtarlyq úı-jaılar kiredi. Fabrıkanyń salynyp, iske qosylýynyń arqasynda 60-qa jýyq jańa jumys orny ashylady. Jumysqa jaqyn mańdaǵy eldi meken turǵyndary qabyldanady.