Sýretterdi túsirgen – avtor
Mýzeı qos qabattan turady. Astyńǵy qabaty keńes ókimeti tusyndaǵy tarıh pen Besterek aýlynyń batyrlaryna, aıtýly azamattaryna arnalǵan. Al Aqbaýyrdan tabylǵan qysh qumyra, jebe men naızanyń ushtary sekildi saq zamanynyń eskertkishteri negizgi zalǵa toptastyrylǵan.
– Mundaǵy jádigerler tas, qola, temir dáýirlerine jatady. Kórgenińizdeı, qysh qumyranyń da túr-túri tur. Arheologter Aqbaýyrda qysh qumyra jasaıtyn oryn bolǵanyn anyqtaǵan. Ken baıytý da jaqsy damyǵan. Onyń sebebi pesh oryndary tabylǵan. Iаǵnı saq zamanynda metallýrgııa, qysh qumyra jasaý bolǵan. Al dıirmen tasyna qarasaq, eginshilikpen de aınalysqan, – deıdi mýzeı basshysy Sáken Júnisbekuly.
Tórgi sórelerde mıneraldy tastardyń san túri kórmege qoıylǵan eken. Biri qyzyl, biri kók tastardyń formalary da san túrli. Beıne bir qoldan soqqandaı kórinedi. Alaıda barlyǵy – tabıǵı tastar. Aıta keteıik, mundaǵy tastar Shyǵystan ǵana tabylmaǵan, sonymen qatar sonaý Ýrýgvaıdan ákelingen ametıst jáne drýza mıneraldarynyń tabıǵı qosyndysyn kórýge bolady. Qarasańyz, jarq-jurq etip, kózdiń jaýyn alady. Endi biri jap-jasyl mıneral ývarovıt dep atalady eken. Jaqut tastardyń ishinde Ulan aýdanynda kezdesetin ken baılyqtar da barshylyq. Máselen, osy mańnan tabylǵan taý hrýstali kórmege qoıylǵan. Spodýmen syndy emdik qasıetke ıe tastar da tabylady. О́tirik-shynyn kim bilsin, jergilikti jurt aldaǵy ýaqytta Asýbulaq, Tarǵyn, Ognev aýyldarynda lıtıı óndiretin kásiporyn ashylýy múmkin degen de boljam aıtyp júr. Jetpisinshi jyldarǵa deıin damylsyz istegen fabrıkalar qaıta iske qosylsa, aýyldardyń da áleýeti artar edi.
Shyǵys Qazaqstan oblysy,
Ulan aýdany
