METALLÝRGTER JAŃA ÚI MEN BALABAQShA SYILADY

Al alyp  zaýytqa jaqyn ornalasqan qalamyzdyń jańa aýdany atyna zaty saı bolyp, múmkin, aldaǵy jyldary “Qazaqstan-2030” dep te atalar... ENRC korporasııasynyń quramyna enetin oblys or­ta­ly­ǵyndaǵy “Qazaqstan Alıýmı­nııi” aksıonerlik qoǵamynyń  ju­mysshylary men qyzmetker­le­ri úshin budan artyq qandaı qýanysh bolsyn. Zaýyt bas­shy­ly­ǵy Elbasynyń bıylǵy Jol­daýynda aıtylǵan mektep ja­sy­na deıingi bóbekterdi oqytý men tárbıeleýdi qamtamasyz etýdi arttyrýǵa baǵyttalǵan “Balapan” baǵdarlamasyn osylaı oryndaı bastady. О́ndiris ornynyń ózi   jaqyn ornalasqan qaladaǵy Vo­rý­shın kóshesindegi  240 oryndyq balabaqsha qury­ly­sy  bir jyl­dyń ishinde aıaqtaldy. Metallýrg­ter aıtqan sózderinde turdy. Balabaqsha túgelimen jańa zaman ta­laptaryna saı jab­dyq­taldy. Shet tilderin  úıretý jáne kom­pıý­terlik saýatty­lyq­qa baýlý, dene shynyqtyrý jáne mýzyka álemi zaldary sııaqty arnaıy  ka­bınetter júıesi bar. Munda keletin kishkentaılar orys jáne qazaq tilderinde  oqyp-úırenip, tárbıe alady. Zaýyt basshysy Almas Ibra­gımovtiń usyny­sy­men tek zaýyt jumysshy­lary­nyń ǵana emes, osy aýdan kó­le­minde turatyn qala turǵyndary­nyń  balalary  úshin de balabaq­sha esigi ashyq. Al oblys ákimi Baqytjan Sa­ǵyn­taevtyń aı­tý­yn­sha, bıylǵy jyldyń sońyna qaraı  óńirde 19 balabaqsha qaıtadan qalpyna keltirilip, jalpy bilim beretin mektepter janynan 83 shaǵyn ortalyqtar  ashylady. Taǵy bir qýa­nyshty jaǵdaı, balabaqsha janynan 125 páterli on qabatty  turǵyn úı paı­dalanýǵa berildi. Zaýyt bas­shylyǵy osymen ekin­shi ret óz jumysshylary men qyz­metker­lerine jarqyraǵan, jańa páterler syılap otyr. Alyp korporasııa qabyldaǵan 2023 jylǵa deıingi áleýmettik baǵdarlamalar aıasynda bala­baq­shalar, turǵyn úıler, basqa da áleýmettik-turmystyq ny­sandar salý júıesi jospar­la­nypty. Bul maqsatqa  jalpy quny 45 mıl­lıon AQSh dollaryn jumsaý qarastyrylǵan kórinedi. Farıda BYQAI. Pavlodar. _______________ SEMEILIK POShTAShYLAR JEŃIMPAZ ATANDY Ádette poshta qyzmetkerleri­niń atyna syn kóp aıtylyp ja­tatyny ras. О́ıtkeni, basylym baǵalary jyl saıyn sharyqtap, soǵan qaramastan onyń oqyrman qolyna kesh tıip jatatyny da, qaısybir hat-habarlardyń qoldy bolyp ketetini de ótirik emes. “Qazpochta” aksıonerlik qo­ǵamyna qarasty Semeı qalalyq baılanys torabynyń ujymyna mundaı ókpe-renishtiń qatysy joq pa deımiz. Bul ujymǵa res­pýblıkamyzdyń qurmetti baıla­nys­shysy, óz isiniń bilgiri Ma­nar­bek Moldarahımovtiń bas­shylyq ete bastaǵanyna ondaǵan jyldyń júzi boldy. Kórshiles eki oblys biriktirilgennen bergi jerde de birqatar qala, aýdan, sondaı-aq aýyldyq okrýgter atalǵan baılanys torabynyń qyzmetin paıdalanýda. Solar­dyń bárine kúndelikti basy­lym­dar men hat-habarlar ýaqytynda jetkizilýde. Munyń syrtynda bular ózderine qarasty ýchas­ke­lerdegi zeınetkerlerge zeınet­aqy­syn da eshqandaı daý-damaı­syz der kezinde jetkizip berip keledi. Sondaı-aq, qaısybir eldi mekenderde buryn jabylyp qal­ǵan poshta úıleri qaıtadan ashy­la bastady, ıakı olar jańadan turǵyzylýda. Osy oraıda, Semeı qalalyq poshta torabyna óz tarapy­myz­dan aıtar alǵysymyz da joq emes. О́ıtkeni, oǵan qarasty eldi mekenderde el gazeti “Egemen­niń” taralymy jyl ótken saıyn arta túsip kele jatsa, sol jetis­tikte atalǵan ujymnyń da úlesi barshylyq. Onyń ústine oblys ortalyǵy О́skemende shyǵyp jatqan bizdiń basylymnyń sol kúni mundaǵy oqyrmannyń qo­ly­na tııýine jaǵdaı jasap otyr­ǵan da osylar. Mine, sonyń bári eskeril­gendikten bolar, jýyrda bular ótken jyldyń qorytyndysymen halyqqa poshta jáne qarjy qyz­metin kórsetýdegi úzdik kór­set­kishterimen oblys boıynsha jeńimpaz atanyp, Gran-prı júl­desin ıelendi. “Halyqqa qyzmet kórsetý isin aldaǵy ýaqytta da jaqsarta túsý – bizdiń basty mindetimiz”, deıdi Manarbek Sadyquly. Dáýlet SEISENULY. SEMEI.