Atyraýda sheteldik baıqaýshylar saılaýǵa joǵary baǵa berdi

1-sýret.

ATYRAÝ. 26 sáýir. Atyraýǵa TMD baıqaýshylar mıssııasynan kelgen ókilder saılaýdyń ótý barysyna joǵary baǵa berdi. Bul týraly egemen.kz tilshisi habarlady. Atyraý oblysy aımaqtyq saılaý komıssııasy tóraǵasynyń orynbasary Tamara Aman-Turlınanyń málimetinshe, Atyraýǵa 28 baıqaýshy kelgen. Olardyń arasynda Eýropalyq  qaýipsizdik jáne yntymaqtastyq uıymynan – 14 jáne TMD baıqaýshylar mıssııasynan da 14 baıqaýshy bar. Máselen, TMD baıqaýshylar mıssııasy atynan kelgen baıqaýshylardyń 9-y Tatarstan Respýblıkasynan, al 5-ýi Atyraýmen shekaralas Astrahan oblysynan kelgen. Halyqaralyq baıqaýshylar saılaýdyń ótý barysyn joǵary baǵalady.

2-sýret.

Nadejda Borısova (2-sýret), TMD baıqaýshylar mıssııasynyń ókili (Tatarstan Respýblıkasy, Reseı Federasııasy): «Biz halyqaralyq baıqaýshy retinde birneshe saılaý ýchaskeleriniń ashylý sátine kýá boldyq. Odan soń birneshe saılaý ýchaskelerindegi daýys berý úderisine baqylaý júrgizdik. Bizdiń baıqaǵanymyz – saılaý ýchaskeleriniń daıyndyǵy joǵary deńgeıde, tehnologııalyq qondyrǵylarmen jaqsy jabdyqtalypty. Saılaýshylar daýys berýge kóterińki kóńil-kúımen kelip jatyr. Bul Qazaqstan azamattarynyń daýys berýdi paryz sanaıtynyn baıqatady», – dedi. Vladımır Zolotokolov (1-sýret), TMD baıqaýshylar mıssııasynyń taǵy ókili (Astrahan oblysy, Reseı Federasııasy): «Biz Qazaqstanda buǵan deıin de bolǵanbyz. Saılaýǵa daıyndyqtyń joǵary deńgeıde ótkenin ańǵardyq. Saılaý úderisi zań talaptaryna saı ótýde. Eshbir zań buzýshylyqty kórgenimiz joq. Shyn máninde saılaý mereke sekildi ótip jatyr. Ásirese, kórkemónerpazdardyń óneri saılaýǵa merekelik reń  berdi», – dedi. Joldasbek Shópeǵul. Derek: egemen.kz. Sýret: Rahym Qoılybaev.