Muny biz birer kún buryn «QazBioPharm» men qytaılyq «Beijing Genomics Institute» kompanııasy «Innovasııalyq genomdyq jáne omıkalyq tehnologııalardy engizý jáne damytý» taqyrybynda ótken ınnovasııalyq forýmda bildik. Forýmǵa Prezıdenttiń ǵylym jáne ınnovasııalar máseleleri jónindegi keńesshisi Kúnsulý Zakarııa, Densaýlyq saqtaý mınıstri Aqmaral Álnazarova, «BGI Group» bas dırektory In E jáne jetekshi ǵalymdar, memlekettik jáne jeke uıymdardyń ókilderi qatysty.
Bul kúni holdıngtiń enshiles uıymy sanalatyn Ulttyq bıotehnologııa ortalyǵynyń bazasynda genomdyq zerthana ashyldy. Qonaqtar joǵary tehnologııalyq zerthanalardy tamashalady. Osy tusta mınıstr Aqmaral Álnazarova bul qadamdy ǵylymnyń damý jolyndaǵy taǵy bir úlken joba dep túsindirdi. Izinshe, taraptarǵa alǵys aıtyp, tabys tiledi.
«QazBioPharm» zertteý ortalyqtary jyl ótken saıyn jańaryp, zerthanalary tolyǵyp keledi. Árıne, kóshtiń aldynda bolýdy oılasaq, qazirden básekege qabiletti bolý qajet. Al «BGI» kompanııasynyń álem elderi qyzyǵyp otyrǵan ınnovasııalary kóp. Bilikti kadr daıarlaý isine de beıjaı qaraýǵa bolmas. Sondyqtan «QazBioPharm» BGI-men birge jańa baǵyttar boıynsha maman daıarlaýǵa nıetti. Osy tusta «Qazinnovations» ınnovasııalardy damytý jónindegi Ulttyq agenttigi» AQ basqarma tóraǵasy Sanat Joldyhan ınnovasııalyq jobalar týraly pikir bildirdi.
– Búgingi ınnovasııalyq forýmnyń mán-mańyzy joǵary. О́ıtkeni biz osy kúnge deıin shıkizat óndiretin el bolyp tanylsaq, keleshekte joǵary tehnologııalyq ınnovasııalyq jaǵynan damyǵan elderdiń qatarynda bolýymyz kerek. Osy baǵytta damysaq, bizdiń jahanda básekege qabiletimiz artady. Innovasııa men tehnologııalardy jańa deńgeıge kóteretin sát keldi. «BGI» – alyp kompanııa. Búgin, mine, bizdiń elmen birlesip zerthana ashyp otyr. Mundaı tájirıbeler elde kóp bolýy kerek. Qazir barlyq tehnologııa avtomattandyrylǵan. Birte-birte osyǵan kóshý – zaman talaby. Medısınada tehnologııalardy damytý – memleket kóńil bólip otyrǵan basym baǵyttardyń biri. Muny saladaǵy atqarylyp jatqan jumystardan bilýge boldy. Elimiz osy naryqtan óziniń ornyn tabýy kerek, – deıdi S.Joldyhan.
«QazBioPharm» ulttyq hol-dınginiń bas dırektory Erǵalı Ábdiraıymovtyń aıtýynsha, elde buryn balama qurylǵylar bolǵanymen dál osyndaı áleýeti zor zerthana bolmapty. Holdıngtiń basshysy áleýeti joǵary tehnologııalardyń múmkindigin jarym-jartylaı emes, tolyq paıdalanýǵa múddeli ekenin baıqatty.
– Álemde qoldanylyp jatqan tehnologııalardyń kómegimen biz balamaly dıagnostıkalyq júıeni jaqsartamyz dep otyrmyz. О́ıtkeni keıingi jyldary perınataldy dıagnostıka jáne qaterli isikterdiń aldyn alý dıagnostıkasy óte kúrdeli bolyp tur. Bizdiń el úshin de bul ózekti. Búgin biz «BGI» kompanııasymen birge zerthana ashyp otyrmyz. Mundaǵy jumystar birden emes, kezeń-kezeńimen iske asady. Biz asa aýyr syrqattardy anyqtaý úshin osy zerthananyń múmkindigin tolyq paıdalanýdy oılap otyrmyz. Ol úshin áli qosymsha qondyrǵylar tolyqtyrylady. Zerthana keńeıedi, áli talaı zertteýler júrgiziledi. Bizge qazir jetkizilgen qurylǵylardyń baǵasy da ájeptáýir qymbat. Jumystyń alǵashqy kezeńinde ózimizdiń mamandardy tartamyz. Sosyn jumys barysynda «BGI»-men birge qosymsha taǵy maman daıarlaımyz, – dedi E.Ábdiraıymov.
