Foto: wikipedia.org
«Halyqaralyq klımattyń ózgerýi tehnologııalary ortalyǵy» JShS basshysy Altaı Aınabek bul josparyn júzege asyryp otyrǵan ǵylymı, tehnologııalyq negizderin ashyp aıtty.
«Men qoldanatyn tehnologııanyń tarıhy tym áride 80-ge jýyq memlekette paıdalanylǵan, atmosferada bar ylǵaldy kondensasııalaý arqyly jaýyn deńgeıin kóteretin – bult egý ádisi, eski tehnologııa, koordınaldyq túrde arıdtyq (ylǵaldylyǵy az) aımaqtarda jumys isteı almaıdy. Bizdiń tehnologııa atmosferaǵa áser etýdiń jańa ustanymdaryna negizdelgen. Tehnologııa sıklondyq úderisterdi «qosady», muhıt akvatorııasynan ylǵal tartady. Bastysy, atmosferanyń tómengi qabatynda jumys isteıdi, ıaǵnı bul – azamattyq tehnologııa», deıdi ol.
Dese de «Qazgıdromet» RMK osy aýmaqta jańbyr jaýatynyn aldyn ala bilip, 10 kúndik, aptalyq boljam jasap, oblys turǵyndaryna habarlap otyrǵanyn aıtady. Sondaı-aq mekeme osy ádistiń ǵylymı negizin anyqtaýdy bilmekke búkilálemdik meteorologııa ortalyǵyna hat joldaǵan.
Jaýapty «Qazgıdromet» RMK Qyzylorda oblysy fılıalynyń I sanatty ınjener-sınoptıgi Maǵjan Sádýaqasov jarııa etti.
«Ádis týraly búkilálemdik meteorologııa ortalyǵy bizdiń hatymyzǵa jaýap retinde «eshqandaı keńes bermeıtinin» aıtty. Demek ǵylymı negiz joq. Al Qyzylorda nemese basqa óńirlerde bolyp jatqan bıylǵy jaýyn mólsheri tabıǵı qubylysqa jatady», dedi Maǵjan Sádýaqasov.
San alýan pikirge sebep bolǵan Altaı Aınabektiń qoldan jańbyr jaýǵyzý ádisine otandyq ǵalymdardyń kózqarasyn tilshimiz Erjan Qojastyń «Araldy sýǵa toltyrý amaly: Jaı sóz be, naqty is pe?» maqalasynan bile alasyzdar.
