Klıchkonyń kezekti jeńisi tileýlesterin qýanta qoımady (foto)

ASTANA. 26 sáýir. Keshe, senbi kúni Nıý-Iorktegi ataqty «Medıson-Skver-garden» arenasynda belgili ýkraın boksshysy Vladımır Klıchko amerıkalyq Baraıant Djennıngspen shaıqasta upaı sanymen jeńiske jetip, óziniń WBA (super), IBF jáne WBO versııalary boıynsha aýyr salmaqtaǵy álem chempıony begen ataǵyn qorǵap qaldy. Bul týraly «Sovetskıı sport» habarlady. Búkil urys boıyna Klıchkonyń qatty soqqylary Djennıngske tıip jatty. Tipti aıqastyń aıaǵyna qaraı oǵan qarsylasyn nokaýtqa jiberýdiń de múmkindigi boldy. Biraq amerıkalyq odan aman ketti. Ýkraın boksshysy negizinen óziniń burynǵy mánerimen shaıqasty. Al qasha júrip urys salatyn bul tásildiń jankúıerlerge unaı qoımasy da belgili. Buǵan Baraıant óziniń klınchyn kóbirek qoldanýǵa tyrysty. Sonyńda tóreshiler sheshim shyǵarýdy biraz sozyp jiberdi. Aqyrynda olardyń ekeýi 116-111, al bireýi 118-109 esepterimen utysty Klıchkoǵa berdi. Alaıda, kóptegen jankúıerler arenadan senimderi aldanyp qalǵandaı sezimde qaıtty. Damır Qojamqul. Derek, sýret: Sovetskıı sport.