Zańsyz úıilgen qoqys kóp

Zańsyz kúl-qoqys ornynyń biri Pavlodar qalasyndaǵy Sol­tústik ónerkásip aýdanynda or­na­lasqan. Munda áldebireýler qurylys jumystarynan qalǵan qaldyqtardy zańsyz úıgen. Al dál janynda qum alynatyn shuńqyr qazylyp, ony qaladaǵy kásipkerler paıdalana bastaǵan. Qum alynatyn oryn da zańsyz paıdalanylyp otyr.

О́ńirlik ekologııa depar­tamenti basshysynyń orynbasary Maǵzum Qoqymbaevtyń de­reginshe, arnaıy reıdterdiń jáne «Ǵarysh sapary» ulttyq kompanııasynyń ǵaryshtan tú­sir­gen fotosýretteriniń nátıje­sin­de zańsyz kúl-qoqys oryn­dary ýaqyt saıyn anyqtalady.

«Málimetterdi jergilikti ­at­­qarýshy organdarǵa beremiz. Olar jyl saıyn ruqsat etil­­me­gen kúl-qoqys tógý oryn­da­ryn joıý­men aınalysady. Jyl basynan 7 ákimdikke jal­py somasy 1,3 mln teńge aıyp­­pul saldyq. Al Pavlodar qala­synyń ózinde búginde 10 zań­syz kúl-qoqys orny bar. Qo­qys shyǵaratyn kólik­ter­diń júr­­gizýshileri qarajatta­ryn únem­­deý maqsatynda tıep alǵan tur­mystyq jáne qurylys qal­dyq­taryn jurt kózinen tasa osyndaı jerlerge tógip ketedi. Ne­gi­zi mundaı qaldyqtar qoqysty aqy­ly túrde qabyldaıtyn polı­gondarǵa aparylýy kerek. Zań­syz úıilgen oryndarǵa qoqys­ty syrttan kelip eshkim tógip ket­peıdi, ony jasap otyr­ǵan – qala turǵyndary», deıdi
M.Qoqymbaev.

Ekologııa máselesine jaýap­ty jergilikti mekemelerdiń qyz­metkerleri, polıseıler, depýtattar jáne «Amanat» par­tııa­synyń músheleri Sol­tústik óner­kásip aýdanynda ornalas­qan zańsyz kúl-qoqys ornynda boldy. Olar mundaı oryn­dardy joıýǵa baǵyttalǵan usynys-pikir­lerin jetkizdi. Máseleni talqylaı kele depýtattar ruqsat etilmegen kúl-qoqys oryndarymen shuǵyldanatyn monıtorıng tobyn qurý týraly sheshim qabyldady. Polısııa men olardyń kómekshileriniń arqasynda qoqysty kez kelgen jerge tógip ketetinderdi qolǵa túsirip, jaýapkershilikke tartý kózdelip otyr.

Qalalyq máslıhat depýtaty Bolat Súleımenovtiń aıtýynsha, aıyna eki ret qoǵam belsendileri men polısııa qyzmetkerlerin torýylǵa shyǵaryp, kezekshi patrýlderdi jaı mashınalarǵa otyrǵyzyp qoıýǵa bolady. Al zań buzýshylardy beınejazbaǵa túsirip, kópshilikke kórsetken abzal. Qala turǵyndary zań buzýshylardyń júzin tanýy kerek. Al ózge kólik júrgizýshileri muny kórip, keleside kúl-qoqysty arnaıy polıgonǵa aparyp tógedi. Zańsyzdyqpen aınalysyp júrgen azamattardy osyndaı jolmen tárbıeleý kerek.

– О́kinishke qaraı, biz kóbine bıýdjet qarajatyn osyndaı zańsyz kúl-qoqys oryndaryn joıýǵa ysyrap etemiz. Meniń oıymsha, bul qarajatty kúl-qoqys qabyldaıtyn oryndardy sýbsıdııalaýǵa jumsaýymyz kerek. Esesine olar qoqysty tegin qabyldasyn. Qoǵam kóbine máseleniń saldarymen kúresýge úırenip qalǵan. Qoqysty aqyly qabyldaý júrgizýshilerdi osyǵan ıtermelep otyrǵany anyq. Al aınalyp kelgende zańsyz tógil­gen qaldyqtardy biz báribir qazy­na qarajaty esebinen joıamyz. Sondyqtan polıgondar qoqys­ty tegin qabyldaıtyndaı júıe qajet. Qarajatty soǵan bóle­ıik, – degen usynysyn jetkizdi depýtat.

Ekologııa departamentiniń ókilderi mundaı múmkindikti res­pýblıkalyq deńgeıde qaras­ty­ryp kórýge bolatynyn málim­­dedi. Ekologııa mınıstrliginde ýtıl alymy men ózge ekologııalyq tólemderden túsetin qara­jat­tardy qajetti baǵyttarǵa taratý máselesi qaralyp jatyr. Bul qarajattar «Jasyl Damý» AQ-da ortalyqtandyrylǵan. Bıyl kúl-qoqys qabyldaıtyn po­lıgondarǵa qarjy bóline bas­taýy kerek. Qarajat qoqys or­nyna túsken qaldyqtardy óń­deýge jáne qaıta paıdalanýǵa jumsalady. Buǵan qosa búginde qal­dyqty konteınerge jınaǵany úshin polıgon ıelerine sýbsıdııa tólenip keledi.

Pavlodar oblysy