Foto: TJM
25 shilde kúni saǵat 18:10-da zardap shekkender jedel járdem kóligimen Alakól aýdanynyń ortalyq aýdandyq aýrýhanasyna jetkizilgen bolatyn.
«Zardap shekkenderdiń jaǵdaıy aýyr, olar anestezıologııa, reanımasııa, qarqyndy terapııa bólimine jatqyzyldy. Shokqa qarsy terapııa jáne tolyq klınıkalyq dıagnostıkalyq aspaptyq zertteýler júrgiziledi. Aýrýhanada naýqastardy emdeýge qajetti barlyq dári-dármek bar. Jaǵdaı baqylaýda», dep habarlady Jetisý oblystyq densaýlyq saqtaý basqarmasynyń baspasóz qyzmeti.
Sondaı-aq Taldyqorǵannan neırohırýrg pen travmatolog mamany jiberilgeni atap ótildi.
Buǵan deıin Jetisý óńirinde adamdar mingen deltaplan Alakól kólinde sýǵa qulap ketkenin habarlaǵan edik. Eki adam zardap shekti.
