ATYRAÝ. 22 qańtar. Atyraý qalasynyń irgesindegi mektep oqýshylary belgisiz nárseden ýlanyp, oblystyq aýrýhanaǵa shuǵyl jetkizildi. Bul týraly egemen.kz tilshisi habarlady.
«Jumysker» eldi mekenindegi I.Taımanov atyndaǵy mektepte oqıtyn oqýyshlardyń bir toby, naqtylaı aıtqanda, 18 oqýshy men bir qyzmetshi tús mezgilinde ózderin nashar sezingen. Dárigerler olardyń barlyǵyn aýrýhana kerýetine jatqyzý jóninde sheshim qabyldady. Dárigerlerdiń aıtýynsha, ýlanǵan balalardyń tamaǵy jybyrlap, qyshý paıda bolǵan. Keıin qusý belgileri kezdesken. Aýrýhanadaǵy balalardyń jaǵdaıy ortasha kórinedi.
«QazTransGazAımaq» fılıalynyń mamandary tekserý júrgizdi. Ázirge atalǵan mektep oqýshylary men bir eresek adamnyń neden ýlanǵany anyqtalǵan joq.
Joldasbek Shópeǵul.
Derek: egemen.kz.
Cýret: azh.kz.
