AQTAÝ. 22 qańtar. «Nur Otan» partııasy Mańǵystaý oblystyq fılıalynyń «Jas Otan» jastar qanatynyń músheleri ardagerlerge kómek kórsetýde. Bul týraly egemen.kz tilshisi habarlady.
Jastar «Ardagerlerdi ardaqtaıyq» jobasy aıasynda Mańǵystaý oblysyndaǵy kóptegen ardager ata-ájelerimizge járdemdesti. Solardyń biri – Aqtaý qalasyna qarasty О́mirzaq aýylynyń turǵyny, ardager Qonashev Daýyltaı ata. Erikti jastar 91 jastaǵy jalǵyz basty qart kisi úıiniń aýlasyn tazartyp, qoqystaryn shyǵaryp, shashylyp jatqan temir-tersekterdi jınaqtady. Aýladan 8 qap qoqys, birneshe tal synyqtary shyǵaryldy.
Soǵys jyldarynda talaı qasiretti bastan ótkizgen aqsaqal, endi ondaı soǵystyń bolmaýyn tileıdi. Kómekshisi joq qarııa jastardyń kelip, kómek kórsetkenine rıza boldy. «Meni jastardyń kelip, hal-jaǵdaıymdy suraǵanynyń ózi qýantady», – dep qýanyshyn jetkizgen ata aqyl keńesi men ystyq lebizin aıaǵan joq. Jastar da óz kezeginde bıylǵy jeńistiń 70 jyldyǵymen quttyqtaýlaryn jetkizdi.
Gúlaıym Shyntemirqyzy.
Derek, sýret: egemen.kz.
