Tarıh týraly tom-tom ǵylymı eńbekterdiń qunyn bilýge bizdiń aqyl-es ázirge jete qoımaıtyny beseneden belgili. Tarıhı tanym men tamyrly túısik qalǵyp ketken qazirgi qazaqqa ǵasyrlar qoınaýynan qazyna tasyp arqa eti arsha, borbaı eti borsha bolǵan saldal atanym-aı! Taram joldarda tas tilgen qos tabanyńdy baýyryńa alyp, qomyn jerde qaldyryp kórmegen qos tizeńdi búgip, máńgige shókkeniń be!
Qadirińdi bile almadyq, bilgize almadyq... Halyq óz atynan ǵylymǵa eńbek sińirgen qaıratker bıigine shyǵarǵany da ras.
Tik júrip, tik ketti! Tik sóıledi! Tizesi tiri janǵa búgilmedi, basy basynǵanǵa ıilmedi. Igi ómir, izgi júrek! Toqtap qaldy... Jazǵasalym-aq úıimde osylaı bir jarqyldap otyryp edi, Jáleı apamyzben birge. Bizdiń úıdegi nemerelerin kezek ıiskep maýqyn basyp edi, «qanym ǵoı», dep, qaıran aǵa! Qaıran qan!
Alla qara narymyzdy aldynan jarylqaǵaı!
Ularbek Nurǵalym,
qalamger shákirti
