Otandyq ǵylymnyń kókjıegi

Kezdesýde Nurtóre Júsip Senat depýtattary otandyq ǵylymdy damytýǵa árqashan basa nazar aýdaryp otyrǵanyn atap ótti. Ol Parlament qabyl­daǵan zańdar men sessııa barysynda ǵylymnyń damýyna jáne elimizdegi ınnovasııalyq progreske áser etetin máselelerdi sheshý sharalaryna keńesshiniń nazaryn aýdardy.

–  Prezıdent Qasym-Jomart Toqaev otandyq ǵylymdy damytý máselesine erekshe nazar aýdaryp otyr­ǵany barshaǵa belgili. Ǵylym jáne tehnologııa jónindegi sáýir aıynda ótken ulttyq keńeste sóılegen sózinde ǵy­lym­nyń tetikteri men múm­kindikterin tehnogendik jáne tabıǵı apattardy boljaýǵa, klımattyń ózgerýine qarsy kúreske tartý kerek ekenin atap ótken bolatyn. О́ıtkeni jyldar boıy tótenshe jaǵ­daıdyń aldyn alýda kóp­tegen problema júıe­si qordalanyp qalǵan. Pre­zı­dent energetıkalyq irkilis­ter men epıdemııalardy, qur­ǵaqshylyqty boljaý jáne aldyn alý mindetteriniń mańyzyna da toqtaldy. Mem­leket basshysynyń barlyq tapsyrmasyn sapaly oryndaý maqsatynda Parlament pen Úkimetpen qosa barlyq bılik organdary osy baǵytta úılestirilgen jáne keshendi jumys júrgizýge tıis dep sanaımyz, – dedi Nurtóre Júsip.

О́z kezeginde Kúnsulý Zaka­rııa kún tártibindegi mańy­zdy máseleler talqy­lan­ǵan osy kez­desýdi uıym­das­tyr­ǵany úshin senatorǵa alǵy­syn bil­dir­di. Sondaı-aq Par­lament qa­­­byl­daǵan zańdar men jalpy ǵy­lym­dy damytýǵa baǵyttalǵan shara­lardyń mańyzyna toqtaldy.

– Parlament – basty min­deti elimizdiń ómirine qajetti asa mańyzdy qujattardy qa­byl­daıtyn memlekettik ıns­tıtýt boldy jáne solaı bolyp qala beredi. Parlament pen onyń depýtattary qazirgi ýaqytta «Ádiletti Qazaqstandy» qurý­daǵy mańyzdy quramdas bóliktiń biri bolyp sanalady. Onyń negizgi qundylyǵy – zań ústemdigi men halyqtyń ál-aýqaty bolyp tabylady, – dedi Kúnsulý Zakarııa.