Foto: Amangeldi Qııas, «EQ»
Búginde zaman ózgerdi me, álde adam ba? Bul dástúrdiń tereńine boılamaı qate pikir qalyptastyryp júrgen jandar jeterlik. Sálem salý − bul tabyný emes. Atam zamannan beri jalǵasyn taýyp kele jatqan úrdisti shırkke balaý qate uǵym.
Jalpy sálem salý, kelinge tilek bildirý, sálemin qabyl alý – Paıǵambardan qalǵan súnnet desedi. Birde, soǵysta Hanafııa esimdi qyzdyń tutqynǵa túsip, Paıǵambarǵa úsh shart qoıǵan eken. Eger de Paıǵambar osy shartymdy oryndasańyz, musylman bolýǵa kelisimimdi beremin degen eken. Álgi qyzdyń birinshi sharty − soǵysta qyzdy qolǵa túsirgen batyr Álıge nekelep qosýdy shart etken. Ekinshi sharty − qyzdan týylǵan nárestege Paıǵambardyń esimi men qyzdyń atyn qosaqtap qoıýǵa ruqsat etýin ótingen. Al, úshinshisi, Paıǵambardy kórgende ıilip sálem etemin degen eken. Paıǵambar qyzdyń barlyq shartyn oryndaǵan eken. Paıǵambarymyz Hanafııa qyzdyń ıilip sálem salýyna ruqsat etip, rıza bolyp «baqytty bol!», «ǵumyrly bol!», «kóp jasa!» dep bata bergen eken. Mine, osydan bastap jańa túsken kelinniń úlkenderge sálem salatyn dástúri paıda bolǵan-dy.
Al, búginde úlkenderge kógildir ekrannyń arǵy jaǵynda turyp sálem salǵan kelinderdi kórip salt-dástúrdiń óziniń mán-maǵynasyn joımaǵany kóz qýantady. Dál osyndaı kórinisti tilshimiz Erjan Qojastyń Bul qurmet edi... degen áńgimesinen oqı alasyzdar.
