Foto: Turar Qazanǵapov
Úkimet otyrysynda Kólik mınıstri Marat Qarabaev jyl sońyna deıin 7 myń shaqyrym jol jóndeletinin aıtty.
Sondaı-aq respýblıkalyq mańyzy bar avtojoldardyń 5,4 myń shaqyrymynda ortasha jyldamdyqty anyqtaıtyn kameralar kóbeıtilmek.
Jol-kólik oqıǵalarynyń basty sebepteriniń biri jyldamdyq talaptaryn saqtamaý. Bul kórsetkish jalpy apattyń 37%-yn quraıdy. Kólik mınıstri aqyly joldarda ornatylǵan kameralardyń ortasha jyldamdyqty esepteýge múmkindigi bar ekenin de atap ótti.
Atap aıtqanda, «Astana-Býrabaı» tasjolynda kólikterdiń ortasha jyldamdyǵy saǵatyna 140 km ekenine qaramastan, 180 km júrip ótken kólikter tirkelgen.
«Parlament Senatynyń qaraýyna «Respýblıkalyq joldarda ortasha jyldamdyqty engizý týraly» zań jobasy usynyldy. Zańdy bıylǵy qazan aıynda qabyldaý josparlanǵan. Qazirgi ýaqytta Bas Prokýratýramen jáne Ishki ister mınıstrligimen birlesip ornatylatyn kameralardyń avtomatty túrde aıyppul salý tásilderi pysyqtalyp jatyr. Zań qabyldanǵanǵa deıin ıntegrasııany tolyǵymen aıaqtaýdy josparlap otyrmyz», dedi Marat Qarabaev.
