|
B |
astamaǵa múddeli azamattar, memlekettik qyzmetkerler men tanymal sportshylar jınaldy. Sóıtip, 100 erikti 2 mıllıon týrıst demalatyn úsh shaqyrymdyq jaǵajaıdy qoqystan tazartýǵa belsene qatysty. Atap aıtsaq, qorshaǵan ortany tazartýǵa týrızm basqarmasy men qyzmetkerleri, ardagerler men analar keńesiniń ókilderi, óńirdiń tórt aýdanynan «Alataý jastary» qozǵalysynyń belsendi jastary, sondaı-aq el sportynyń juldyzdary, onyń ishinde qoıan-qoltyq urystan úsh dúrkin álem chempıony Sora Rahmonova, djıý-djıtsý, grepplıng, MMA boıynsha el chempıony Jumash Batyrbek, djıý-djıtsýdan chempıon Iýlııa Volvıch jáne «Saǵadat batyr» klýbynyń barlyq shákirti kelip, tabıǵat janashyry ekenin anyq baıqatty.
«Qorshaǵan ortanyń tazalyǵy – barshamyzdyń mindetimiz. «Taza jaǵajaı» aksııasy týǵan ólkemizdiń sulýlyǵyn bolashaq urpaq úshin saqtaýdy qajet etedi. Bul is-shara elimizdiń aımaqtary úshin jaqsy dástúrge aınalary sózsiz», dedi tazalyq jumysyna muryndyq bolǵan Almaty oblysy ákimdigi týrızm basqarmasynyń basshysy Qýanyshbek Meırambekuly.
Qonaev qalasynyń jaǵajaılary jergi-
likti turǵyndar úshin de, kóptegen týrıst úshin de súıikti demalys orny sanalady. Maýsym basynan beri munda 750 myńnan asa adam kelip, jazdyń sońyna deıin bul kórsetkish eki esege artady dep kútilip otyr. Aksııa barysynda eriktiler bir tonnadan asa qoqys jınap, úsh shaqyrym jaǵalaý syzyǵyn tazartyp úlgerdi. Is-sharany uıymdastyrýshylar qatysýshylarǵa alǵysyn bildirip, qala turǵyndary men qonaqtaryn tabıǵatty aıalap, jaǵajaılardy taza ustaýǵa shaqyrady.
Aıta keterligi, «Taza Qazaqstan» ekoaksııasy bastalǵannan beri 600 myńnan asa adam qatysyp, 7 myń gektarǵa jýyq aýmaq tazartyldy. 20 myń tonna qoqys jınaldy, sondaı-aq 55 myńnan asa kóshet otyrǵyzyldy. Is-sharaǵa 3,5 myńǵa jýyq arnaıy tehnıka jumyldyryldy. Qonaev qalasyndaǵy jaǵajaıǵa 60-tan asa qoqys jáshigi men konteınerler ornatyldy. Sáýir aıynan beri «Taza Qazaqstan» is-sharalarynda barlyǵy 29 myńǵa jýyq adam belsendilik tanytty.
Almaty oblysy
