BAQ PEN BILIK MÁSELELERI TALQYLANDY

Astanadaǵy L.N.Gýmılev atyn­daǵy Eýrazııa ulttyq ýnıver­sı­tetinde “Saıası ınstıtýttar júıe­sindegi buqaralyq aqparat qural­dary: teorııa jáne praktıka” ta­qy­rybynda halyqaralyq ǵylymı-teorııalyq konferensııa bolyp ótti. Konferensııada negizinen qo­ǵamnyń saıası júıesindegi BAQ ró­liniń teorııalyq-ádistemelik as­pek­tileri, jańa geosaıası jaǵdaı­daǵy saıası ınstıtýttar, aqparat­tyq saıasat jáne aqparattyq qaý­ipsizdik, BAQ jáne memlekettik bı­lik máseleleri boıynsha baıanda­malar jasalyp, pikir almasyldy. Basqosýda alǵash sóz alǵan L.N.Gýmılev atyndaǵy Eýrazııa ult­tyq ýnıversıtetiniń prorek­tory Rahmetqajy Bersinbaı jo­ǵary oqý ornynyń jetistikterin qysqasha baıandaı kelip, sonyń ne­gizgisi – byltyrǵy osyndaı bas­qosýda sóz bolǵan “Jýrnalıstıka jáne saıasattaný” fakýltetiniń qurylǵanyn atap ótti. Bilim jáne ǵylym mınıstriniń keńesshisi Ve­nera Jeksembekova mınıstrdiń atynan ýnıversıtettegi jańa fa­kýltettiń qurylýymen quttyqtap, tabystar tilese, Qazaqstandaǵy Ýkraına elshiliginiń birinshi hat­shy­sy Aleksandr Nıkonchýk óz elin­degi baspasóz jaǵdaıynan ha­bardar etip, erekshelikter men eskerer tustardyń bar ekenine toqtalyp ótti. Al Qazaqstan halqy Assambleıasynyń hatshysy Na­talıa Kalashnıkova yntymaǵy jarasqan el ómirindegi baspasózdiń ornyna keńinen toqtala kelip, mynandaı alasapyran zamanda jýrnalısterdiń kóregendigi, bilik­tiligi, eń aıaǵy mádenıetti­liginiń aýadaı qajet ekenin tilge tıek etse, akademık Jabaıhan Ábdil­dın jýrnalısterge búginde úlken jaýapkershilik júktelip otyrǵa­nyn aıta kelip, Azamattyq qoǵam týraly oı-pikirin ortaǵa saldy. “Egemen Qazaqstan” res­pýb­lı­kalyq gazeti” AQ prezı­denti Saýytbek Abdrahmanov óz sózin “Taq aýsa, baq aýady” degen qanat­ty sóz bar, osyndaǵy baqty – buqaralyq aqparat quraldary dep baǵamdaýǵa bolady” dep bastap, ýnıversıtettegi “Jýr­nalıstıka jáne saıasattaný” fakýltetiniń ashylýynyń durys sheshim bolǵa­nyn aıta kelip, saıasat pen jýr­nalıstıkanyń birge bolýynyń artyqshylyǵy bar ekendigin tilge tıek etti. Sondaı-aq basqosýda sóz alǵan belgili jýrnalıst Ǵadilbek Sha­lahmetov, fakýltet dekany Na­mazaly Omashev jáne taǵy bas­qalar buqaralyq aqparat qu­ral­daryndaǵy ózekti máselelerdi qozǵap, óz oı-pikirlerin ortaǵa saldy. Sondaı-aq, bul konferensııaǵa qatysýshylar ýnıversıtet janyn­daǵy “Otyrar” kitaphanasynda uıymdastyrylǵan “Aqseleý Seı­dimbek atyndaǵy Ǵylym zaly­nyń” ashylý rásimine qatysyp, onda ótken “Qazaqstan jýrna­lıs­tıkasy: ózekti máseleler” atty dóńgelek ústelde qazirgi zaman talabyna oraı kadr daıyndaý jaıyn sóz etti. Berik SADYR.