BAS MÚFTI FRANSIIа ELShISIMEN JÚZDESTI

Qazaqstan musylmandary dinı basqarmasy men Orta Azııa múftıler keńesiniń tóraǵasy, sheıh Ábsattar qajy Derbisáli hazret Fran­sııanyń Qazaqstandaǵy tótenshe jáne ókiletti elshisi Jan-Sharl Bertone myrzany onyń ótinishi boıynsha qabyldady. Ortaq áńgimege eki eldiń dinı-rýhanı máseleleri arqaý boldy. Elshi myrza Bas múftıdiń jyly shyraımen qabyldaǵanyna rızashylyq bildirdi. Ol kóp ult pen ulysty Qazaqstan halyqtarynyń yntymaq pen birlikte ómir súrip jatqanyn, sondaı-aq Qa­­zaq eliniń álemde beıbitshilik súıgish jáne din­deraralyq tózimdilik ordasyna aınalǵanyn, jahanda oǵan tánti bolmaǵan elder az ekenin til­ge tıek etýmen qatar, jurtymyzdyń usta­ny­my­na qyzyǵatynyn jáne oǵan jetýdiń jolda­ryn, tájirıbesin bilgisi keletinin, sony Qazaq­stan dinbasynan suraý nıetimen kelgenin jetkizdi. Sheıh Ábsattar qajy Derbisáli hazret elshiniń Qazaqstan jaıly ıgi pikirine alǵys bildirdi. Dinı basqarmanyń san-salaly qyzmeti men el musylmandarynyń tynys-tirshiligi jaıly áńgimeledi. Halqymyzdyń 70 paıyzyna jýyǵy dástúrli ıslam dinin, onyń ishinde Imam Aǵzam – Ábý hanıfa mazhabyn usta­natyndyǵyna toqtaldy. Sondaı-aq, ol respýb­lıkadaǵy barlyq meshitterdiń ımamdarynan únemi musylmandar jáne musylman emester arasynda yntymaqtastyqty saqtaý talap eti­letinine nazar aýdardy. О́zge din jetekshi­lerimen kezdesip, aqyldasyp turatyndyǵyn da málim etti. Elimizde ultar men ulystar, dinder­aralyq syılastyqtyń saqtalýyna Elbasy júrgizip otyrǵan salıqaly saıasattyń úlken ról atqaryp otyrǵanyn málimdedi. Dinbasy sonymen qatar, jamaǵatqa birlik, yntymaq, sabyrlylyq týrasynda kóp ýaǵyz aıtylatyndyǵyn, ıslam dini qyzmetkerleri halyqpen jıi kezdesýler ótkizip, qasıetti Qurannyń ustanymdaryn túsindirip, izgilikke shaqyratynyn jetkizdi. О́ıtkeni, ıslam birlikke, yntymaqqa shaqyratyn din. Sol sebepti de biz ári tart ta, beri tartqa jol bermeımiz. Demokratııa jaqsy, biraq ol oıyna kelgenin isteý degen sóz emes. Demokratııa, menimshe, tártipti bildiredi, – dedi Dinbasy. Sondaı-aq ol “álemdik dinder men olardyń basshylary búlikke, qaqtyǵysqa shaqyrmaıdy. Bundaı is-áreket olarǵa jat. Fıtna shyǵarý dindi jalaý etken zymııan pıǵyldylardyń isi. Olardy dittegenderine jetkizbeý úshin eń áýeli áleýmettik problemalardy: jumyssyzdyq, qaıyrshylyq, kedeıshilik sekildi máselelerdi sheshý lázim. Áleýmettik teńsizdikti boldyrmaý kerek. Qazaqstan Respýblıkasynyń Prezıdenti N.Á.Nazarbaevtyń “áýeli ekonomıka, sonan soń saıasat” dep jıi aıtatynynyń mánisi osynda” – dedi Bas múftı. Osy oraıda Bas múftı Fransııadaǵy jaǵdaıǵa baılanysty da óz oıyn bildire ketti. Ol Fransııanyń musylman jáne musylman emes din ókilderinen turatyn keńes quryp, osy iske qatysty birlesip qyzmet etý qajettigin usyndy. Sondaı-aq, ıslamnyń durys jolyn ustanatyn musylmandary dinı basqarmasyn quryp, oǵan memleket deńgeıinde arnaıy qoldaý kórsetý qajet. Osy uıymdar arqyly birlik, yntymaq nasıhattalýyn jáne onda keleli dinı taqyryptardy talqylap otyrsa jón bolatynyn aıtty. “Egemen-aqparat”.