Italııalyq sýretshi-músinshi, matematık, ınjener, aqyn Mıkelandjelo Býonarrotı 1475 jyldyń 6 naýryzynda Florensııa qalasynda dúnıege kelgen. Ákesi Lıýdovık Sımonı qalalyq rezıdensııada notarıýs bolǵan. Anasy Franchesko dı Nerı Mıkelandjelo alty jasqa tolǵanda ómirden ótedi. Ákesi ekinshi ret úılenedi. Anasynan erte aıyrylǵan bala jetimdiktiń taqsyretin tartady. Ákesi óte qatal adam bolǵandyqtan, ol óz úıinde óte az qonatyn. Tas qashaýshy kórshisiniń úıinen shyqpaıtyn. Onyń shyǵarmashylyq úderisine qyzyǵa qarap otyra beretin.
Mıkelandjelo Ýrbıno qalasynan kelgen Franchesko Galeoto esimdi sheberdiń mektebinen latyn tilin úırenedi. Sol jerde músin ónerimen áýestenetin Franchesko Granachchı esimdi zamandasymen tanysady. Ol zamanynyń zańǵar sýretshisi Domenıko Gırlandaıonyń shákirti eken. Jańa tanysy Mıkelandjelomen dostasyp, ony ustazyna ertip barady. Balanyń darynyn baıqaǵan Domenıko 1488 jyly ákesiniń aldynan arnaıy ótip, óziniń oqytpaq nıetin aıtady. Ákesi qansha jerden qarsy bolsa da, kónbeske lajy qalmaıdy. Osylaısha, Mıkelandjelo Domenıkonyń aldynda úsh jyl dáris alady. Osy úsh jylda «bala shákirt baryn salady». Osy kezde «Kentavrlar shaıqasy», «Baspaldaq janyndaǵy Madonna» atty alǵashqy jumystary dúnıege keledi.
Jastaıynan jetim qalǵan Mıkelandjelonyń balalyq shaǵy baqytty boldy deý qıyn. Ol tez ókpelegish, aýyr sózderdi janyna jaqyn qabyldap qalatyn sezimtal boldy. Estelikterde ony óte tuıyq adam bolǵan dep aıtady. Osy bolmysy ony poezııaǵa jaqyndatty. Sóıtip, ol óziniń músinderine óleń jaza bastady.
Sonymen Iýlııdiń tapsyrysyna qaıta oralaıyq. Mıkelandjelonyń ataqty «Adamnyń jaratylýy» kartınasy dál osy shirkeý tóbesine salynǵan freska edi. Munda sýretshi dúnıeniń jaratylýy haqyndaǵy Injildiń ilki ańyzyn beıneleıdi. Onda Jaratýshy adamdy óz beınesine uqsatyp jaratqanyn aıtady. Mıkelandjelo dál osyǵan basym baǵyt beredi.
Kartınanyń eń dramalyq shıelenisin qudaı men adamnyń sozǵan qoldary jasap tur. Bul eki bolmys arasyndaǵy rýhanı baılanysty bildiredi deıdi sarapshylar. Iá, Táńir adamǵa óz rýhyn úrledi. Boıyna qudiret darytty. О́zine uqsaýyna múmkindik berdi. Dál osy sáýleli sátti beıneleý Mıkelandjelonyń qylqalamyna buıyrǵan edi. Keıin bul kartına onyń tólqujatyna aınalyp
ketti.
Baıqasaq, Qudaı adamǵa perishtelerdiń alqaýynda belgili formanyń ishinde jaqyndaıdy. О́nertanýshylar bul týraly bylaı pikir bildiredi: «Mıkelandjelo adam fızıonomııasyn óte jaqsy meńgergen. Osy arqyly Qudaıdy jáne onyń perishtelerin adam mıyna uqsas qalypqa syıdyrdy. Osy arqyly sýretshi Jaratýshynyń sheksiz aqyl ıesi ekenin beınelep tur», dep tápsirleıdi. Mıkelandjelo 1564 jyly 18 aqpanda bezgek aýrýynan qaıtys bolady. Aqtyq demi shyǵar aldynda súleı sýretker: «Men óz mamandyǵymnyń tek álipbıin ǵana úırene bastaǵanymda ómirden ótip bara jatqanyma qatty ókinemin», dep kúrsinipti. Artynda murager shákirti qalmaǵanyna qatty qynjylypty.
«Bul ómirde adam balasy tek ózine ǵana sengeni durys bolar. Biz bul dúnıede qalaı qýansaq, óletin kezimizdi de solaı kútýimiz kerek. О́ıtkeni ómir de, ólim de bir ustanyń qolynda» degen eken Mıkelandjelo dáýreninde...
