Saıabaq aýmaǵyn tazartýshylar aldymen turmystyq qaldyqtar men qoqystardy tazartyp, aǵash butaqtaryn jınap, jabaıy shópterdi julyp, kógaldandyrý jumystaryn retke keltirdi. Arnaıy shóp shabatyn qurylǵylarmen shópter otalyp, qapqa salynǵan qoqys qaldyqtary kólik tehnıkalarymen qoqys polıgonyna jetkizilip tógildi.
«Respýblıkalyq tazalyq aksııasy aýdan kóleminde senbiliktermen qatar ınfraqurylymdyq sharalar qarqyn alyp jatyr. Onyń ishinde aýyldyq okrýgterde kósheni jaryqtandyrý maqsatynda shamdar ornatylyp, balalarǵa arnalǵan oıyn alańdary boı kóterdi. Aýdan ortalyǵy Qaraýylda baǵdarshamdar aýystyrylyp, 50 dana beınebaqylaý kamerasy ornatyldy. Sondaı-aq jol qaýipsizdigin qamtamasyz etý maqsatynda arnaıy jol belgileri jóndelip, bilim ordalarynyń mańyna arnaıy taqtaıshalaryn ornatý jumystary oıdaǵydaı atqarylyp jatyr», deıdi atalǵan is-sharaǵa bastamashy bolǵan Abaı aýdany máslıhatynyń tóraǵasy Maqsat Nursultanuly.
Aýdan ortalyǵy men aýyldaryn qamtyǵan «Taza Qazaqstan» respýblıkalyq ekologııalyq aksııasyna aýdan turǵyndary da dán rıza. Osyndaı ıgi bastamalar men uıymdasqan jumystar nátıjesinde týǵan mekenderi túlep, kún saıyn kórkeıip jatqany jurtshylyqty qýantatynyn ańǵardyq.
«Prezıdent bastamasymen júzege asyp jatqan ekologııalyq aksııa aıasynda Ulylar eli Abaı elinde júıeli jumystar qolǵa alyndy. О́zderińizge belgili, Abaı eliniń tarıhymen tanysyp, aýasymen tynystap, Abaı, Shákárim, Muhtar danalar júrip ótken sara jolyn tanýǵa keletin týrıster qatary jyl sanap kóbeıip keledi. Aýdandy abattandyrý, kórkeıtý, kógaldandyrý maqsatynda túrli aksııa, senbilik ótip jatyr. Mundaı is-sharaǵa eńkeıgen qarııadan eńbektegen balaǵa deıin óz úlesin qosyp otyrǵany – úlken qýanysh. Jańa Qazaqstan qurý jolyndaǵy jaqsy isterimiz jalǵasyp, qaryshtap alǵa basa bereıik!» dedi Abaı aýdany ardagerler keńesiniń tóraǵasy Serik Muqajan.
Jastarǵa ónege ústep, turǵyndardy bereke-birlikke úndeıtin is-sharadan jastar jaǵy da qalys qalmaı baryn salyp keledi. Birligi jarasqan belsendi jastar óz qatarlastary arasynda qandaı syıly bolsa, úlkender aldynda da árdaıym jaqsy isterimen tanylyp júr.
«Jasyl el» eńbek jasaqtarynyń sarbazdary aýdannyń tazalyq aksııasyna belsene qatysyp, kórkeıtý jumystaryna atsalysyp otyr. Búginde aýdandaǵy kólemi úlken ortalyq saıabaqty ajarlandyrý maqsatynda tazalyq jumystaryna qatystyq. «Aýyl kórki – el kórki» degendeı, aýdanymyz kórkeıe bersin», deıdi «Jasyl el» sarbazy Serikqyzy Erkejan.
Abaı oblysy
