2 shilde kúni saǵat 23:15–te Tótenshe jaǵdaılar mınıstrliginiń seısmıkalyq stansalar jelisi jer silkinisin tirkedi.
Jer silkinisiniń oshaǵy Almaty qalasynyń soltústik-shyǵysynan 859 shaqyrym jerde ornalasqan.
Bul — Shyǵys Qazaqstan oblysy Úlken Naryn aýylynan 70 shaqyrym qashyqtyqta.
Jerasty dúmpýlerdi О́skemen qalasynyń turǵyndary sezdi.
Qýaty — 2-3 ball.
ShQO tótenshe jaǵdaılar departamenti jer silkingen kezde qulaǵan aýyr jıhazdardan saq bolý kerektigin eskertti.
«Balkonǵa júgirmeńiz, terezeler men aýyr zattardan alys turyńyz. Eger jer silkinisiniń kúshi az bolsa ǵımarattan shyqpańyz, dúmpýlerdiń aıaqtalýyn kútińiz. Lıftti paıdalanbańyz. Eger kóshede bolsańyz, ǵımarattar men elektr jelici janynan aýlaq bolyńyz, sebebi elektr symdarynyń úzilý qaýpi bar», — delingen TJD aqparatynda.
