Astana turǵyndary men qonaqtary ózbek kınematograftarynyń eki fılmin tegin kóre alady, dep málimdedi Mádenıet jáne aqparat mınıstrligi.
Birinshi fılm – 2023 jyly rejısser M.Erkınov túsirgen «Abdýlla Orıpov: Táýelsizdik ánshisi» kınosy. Týyndy О́zbekstan memlekettik ánurany mátininiń avtory, kórnekti aqyny Abdýlla Orıpovtyń ómiri men shyǵarmashylyǵy týraly baıandaıdy. Kórermen aqynnyń balalyq jáne jastyq shaǵyna saıahattap, onyń ózbek ádebıeti men mádenıetine qosqan eleýli úlesinen habardar bola alady, – dep qosty vedomstvo.
Ekinshi fılm «Iаsha, hotın!» (Jasa, áıel!) komedııasy otbasylyq qundylyq taqyrybyn ázilmen ashady. Oqıǵa zeınetke shyqqannan keıin ózin jalǵyz sezinetin umytshaq keıipker jaıly. Fılm erli-zaıyptylar, ata-analar men balalar arasyndaǵy ózara súıispenshilik pen qamqorlyqtyń mańyzyn baıandaıdy.
О́zbekstan prezıdenti Shavkat Mırzıeev Qazaqstanda memlekettik saparmen 7-8 tamyzda bolady.
