Ánniń mýzykasy men sózin qazaqtyń belgili kompozıtory Renat Gaısın men aqyn Qalqaman Sarın jazdy. Týyndynyń aranjırovkasyn Renat Gaısın dybys prodıýseri Erlan Bekchýrınmen birlesip jasady.
Dımash arnaıy qytaılyq kórermender úshin qazaq jáne qytaı tilinde án shyrqady. Qytaı tilindegi mátinniń avtory – Lın Veı Veılım.
Renat Gaısın ánniń shyǵý tarıhy týraly bylaısha oı bólisti:
«Birneshe jyl buryn ushaq terezesinen aqsha bulttarǵa qarap otyryp, men erekshe ádemi sýretten shabyttanyp, oıyma ádemi bir áýen oraldy. Sol arada men áýendi umytyp qalmaıyn dep ózimniń dybys jazý qurylǵyma jazyp qoıdym.
Pandemııa kezinde «Qairan Elim» kompozısııasyn ázirleý ústinde men bul áýendi Dımashqa kórsettim. Biraq tynymsyz saıahat pen gastroldik saparlar kóbeıip ketkenniń saldarynan, bul ánmen aınalysýǵa endi ǵana múmkindik týdy.
Jaqynda Dımash maǵan telefon soǵyp, «I am a Singer» gala-konsertinde osy ándi oryndaǵysy keletinin aıtty. Ol mátinin qazaq tilinde jazýdy ótindi. Al men kóp oılanbastan birden ózimniń jaqyn dosym, eldegi eń talantty aqyndardyń biri Qalqaman Sarınge telefon soqtym.
Biz telefon arqyly habarlasqan soń, Qalqaman áýennen shabyttanyp, názik sezimdi ánge óleń jazdy.
Men buny – kompozıtor men aqynnyń birin-biri sózsiz túsinisýdegi naǵyz úılesimdilik dep ataı otyryp, shyǵarmany romantıkalyq poema degim keledi.
Ánge Dımashtyń ózi shynaıy, taza jáne baǵa jetpes mahabbattyń belgisi retinde «Angel love» degen ataý berdi», dedi Renat Gaısın.
