Foto: smartnews.kz
Mınıstrliktiń habarlaýynsha, atalǵan 31 sýarý kanaly men 1 bóget Jambyl oblysynda ornalasqan. Qazirgi ýaqytta elimizdiń basqa óńirlerindegi sý sharýashylyǵy nysandaryn respýblıkalyq menshikke qaıtarý boıynsha belsendi jumys júrgizilip jatyr.
«Mınıstrlik elimizdiń sý ınfraqurylymyn jaqsartý boıynsha jumysty bastady. Mysaly, Prezıdenttiń tapsyrmasy aıasynda 2030 jylǵa deıin sý sharýashylyǵy nysandaryn salý jáne rekonstrýksııalaý boıynsha keshendi jospar ázirlendi. Josparda 44 sý qoımasyn salý, 76 gıdrotehnıkalyq qurylysty, 5321 shaqyrymnan astam ırrıgasııalyq júıeni qaıta jańartý, sondaı-aq 3230 tik drenajdy uńǵyma burǵylaý kózdelgen. Búgingi tańda 114 joba boıynsha jobalyq-smetalyq qujattama ázirlendi», dedi Sý resýrstary jáne ırrıgasııa vıse-mınıstri Erbolat Ibraıhanov.
