Sharapaty mol baǵdarlama

«Jumyspen qamtýdyń jol kartasy-2020» memlekettik baǵdarlamasynyń ekinshi baǵyty boıynsha ótken jyly Syrym aýdanyna 66 mıllıon teńge qarjy bólinip, aýylda kásipkerlikti damytý qarqyndy júrýde. Aýdandyq jumyspen qamtý  ortalyǵynyń dırektory Shynar Dúısenǵalıevanyń aıtýynsha, 12 aýyldyq okrýg boıynsha 38 adamnyń jobalary iriktelip, halyqqa qyzmet kórsetý, óndiris oryndary, mal sharýashylyǵy salasy baǵytyndaǵy nesıe alýshylardyń jumystary jandana túsken. Turǵyndar shashtaraz, naýbaıhana, plastık terezeler jasaý, kólik jóndeý, jolaýshylarǵa qyzmet kórsetý sekildi jumystardy qolǵa alyp otyr. Sondaı-aq, ótken jyly nesıe alýshylar tarapynan 68 iri qara, 51 jylqy, 246 qoı, eshki satyp alyndy. Halyqty jumyspen qamtýdyń taǵy bir túri – áleýmettik jumys oryndary. Bul baǵytta ótken jyldyń sheńberinde 13 sharýa qojalyǵy, 6 jeke kásipkermen kelisimshart jasalyp, nátıjesinde 122 adam jumysqa ornalastyryldy. «Jumyspen qamtýdyń jol qartasy-2020» baǵdarlamasy aıasynda múmkindigi shekteýli jandardy áleýmettik qoldaý, qoǵamǵa paıdasy tıerlik isterge jumyldyrý baǵytynda jumystar qolǵa alynǵan. Atalmysh baǵdarlama aıasynda 10 múmkindigi shekteýli adam jumyspen qamtylsa olardyń arasynda nesıege qol jetkizgen 7 adam bar. Nesıe alǵan múmkindigi shekteýli jandar búginde jolaýshylarǵa qyzmet kórsetý, mal sharýashylyǵy, ustahana sehy, fotosalon, kompıýterlik qyzmet kórsetý sekildi jumystardy qolǵa alyp, bastap ketti. Músirbek AITAShEV. Batys Qazaqstan oblysy, Syrym aýdany.