BIRLIGI JARASTYNYŃ TIRLIGI DE JARASYM TABADY

1. Bizdiń jaqta tisi aýyrǵandardyń da ... kóńilin suraıdy Halyqta “tisi aýyrǵannyń kóńilin suramaı­dy” degenge saıatyn bir qısynsyzdaý túsinik qa­lyp­tasqan. Oý, adam aǵzasynyń bar “isi” eń áýeli tiske baılanysty emes pe?!. Endeshe, tisi aýyrǵan adamnyń kóńilin surap, nege jaǵdaıyn jasamasqa! “Birligimiz jarasqan!” aksııasy aıasynda Qa­zaq­stan ulttyq stomatologtar qaýymdasty­ǵy­nyń ob­lystyq fılıaly uıymdastyrǵan qala tur­ǵyn­darynyń tisine tegin em-dom jasaý sha­ra­sy, mine, osy shetin máseleni de esten shy­ǵarmady. О́ıtkeni, tisi saý adamnyń isi de ónimdi, ózi de kóńildi. Aksııaǵa atsalysqan oblys ortalyǵyndaǵy 5 emhananyń dárigerleri men medbıkeleri tisin emdetýge kelgen qala turǵyndaryna sol kúni tik tu­ryp qyzmet jasady. Aqyl-keńesteri men aýrýdy anyqtaǵandaryna, tis julǵandaryna da aqy-pul talap etken joq. Aksııaǵa deıin tis kútimi týraly keńes alýǵa kelgender ájeptáýir aqsha jumsaýshy edi. Tis emdeýmen shuǵyldanatyn “Dantıst”, “Sto­matolog”, “Amanjolov”, “Step”, taǵy bas­qa emhanalarǵa jaǵyn basyp, jabyrqap kir­gen­der jaırańdap shyǵyp jatty. Olar tis juldyrý, emdeý jáne jańalaý múmkindigine qol jetkiz­gender bolatyn. Eń bastysy – bul ıgi is Taraz qalasynda ǵana emes, sonymen birge oblystyń barlyq tis emdeý mekemelerinde qolǵa alyndy. “Birligimiz jarasqan!” aksııasynyń máni men maǵynasy da osy – aýyryp em izdegenshe, aýyrmaıtyn joldy birigip izdeý emes pe! Aksııa aıasynda oblys boıynsha 9287 adam tisin tegin qaratty. Sózimizdiń basyndaǵy “bizdiń jaqta tisi aýyrǵandardyń da ...kóńilin suraıdy”, dep ázildep jatqanymyzdyń bir syry osy edi. 2. Aýla men aýra úılesim tapqanda... “Jasyl el” jastar eńbek otrıady eldegi taza­lyqty ár aýladan bastaýdy qolǵa alypty. Osyǵan oraı “Jasyl el” jastar eńbek otrıady, Azamattyq Alıans oblystyq fılıaly jáne “Qazaqstan aýyl jastary” qoǵamdyq qaýym­das­ty­ǵy oblys ákimdiginiń qoldaýymen Taraz qala­sy, Qoıgeldi kóshesindegi №209 úıdiń aýlasyn tártipke keltirdi. – Eger teatr kıimilgishten, páter kirebe­ris­ten bastalsa, qalamyzdyń mádenıeti men tártibi árbir aýladan bastalady, – deıdi oblystyq “Jasyl el” jastar eńbek otrıadynyń jetekshisi Ihtııar Myrzahmetov. Aıtsa aıtqandaı, búginde Taraz qalasyndaǵy kópqabatty turǵyn úılerdiń aýlalary tazalyq jóninen básekege túskendeı. Oǵan oblystyq, qalalyq ákimdiktiń uıymdastyrýymen qarajaty mol kásipkerler de atsalysýda. Qoıgeldi kóshesindegi №209 úıdiń aýlasyn tazalaýǵa júzden astam adam qatysty. Jas­tardyń is-qımylyn kórip, kópqabatty úıdiń turǵyndary da kómekke keldi. Olar aýla aýmaǵyn qoqystan tazartyp, aǵashtar men jol jıekterin áktep-sóktedi. Balalar alańdary men oryndyqtardy syrlady. Bul kómekke osy turǵyn úıdiń aýlasy ishin­degi joldarǵa asfalt tósep jatqan “Qurylys-2050” JShS-niń jumysshylary da rıza. Qu­rylysshylardyń aıtýynsha, bul úıdiń aýlasy endi Eýropadaǵy órkenıetti úılerdiń aýla­syn­daı taza ári kórkem bolmaqshy. Olardyń joba­la­ry boı­ynsha, aýlaǵa jańa oryndyqtar, qoqys tastaıtyn jáshikter qoıylyp, balalar oınaı­tyn túrli syrǵanaqtar, átkenshekter kesheni ornatylmaq. Is-shara barysynda aýla balalary salǵan sýretter men olardyń bolashaq urpaqtarǵa ar­nal­ǵan izgi tilekteri jazylǵan hattar kapsýlaǵa salynyp, úıdiń aldynan jasalatyn memo­rıal­dy taqta astyna jasyryldy. Is-sharany uıym­das­tyrýshylar balalarǵa túrli syılyqtar tapsyrdy. “Birligimiz jarasqan!” aksııasy keıbireýler úshin qyzdyrmanyń qyzyl sózi sııaqty kórinýi bek múmkin. Al, shyn máninde, osy aksııa bastalǵaly beri elde kóp tirlik tyndyryldy. Oǵan el-jurt kýá. Kósemáli SÁTTIBAIULY. Jambyl oblysy. MAGNITKA OTTARY JARQYRAP TUR Bul kúnde tuńǵysh qazaqstandyq shoıyn alynýynyń 50 jyldyq merekesi aldynda Temirtaý kórki odan saıyn qulpyryp, jaınap-jarqyrap tur. San ult ókilderiniń qoıan-qol­tyq­tasa eńbek etip, birligi nyǵaıýy arqasynda ataǵy alysqa tanylǵan mundaǵy áıgili metal­lýrgııalyq kombınat ujymy yntymaqtastyqty, tutastyqty berik ustanýymen aıan. Aǵa tolqyn metallýrgter qalyptastyrǵan tamasha úrdis búgingi izbasarlaryna óshpes úlgi. Alyp óndiris tiregi – qashanǵydaı jastar. Ja­lyn júrek orta jasampaz isterge, baıandy bas­tamalarǵa árdaıym uıytqy. “Biz – bir ko­man­damyz, birligimiz jarassa, bárin de jeńemiz”, degen sózder búginde barlyq jurttyń aýzynda. Ony ispen aıǵaqtaýǵa ár býyn, árkim qushtar. Kombınattyń 3 qańyltyr qaqtaý sehyna eks­­kýrsııa jasaǵan qaladaǵy 31 kásiptik mekte­bi­niń oqýshylarynyń eresekter toby, son­daı-aq joǵary synyp shákirtteri men stý­dent­ter buǵan kózbe-kóz kýá boldy. Olar jup-juqa aq qańyltyrdyń daıyndalý úderisin kórdi. Mamandar bul jóninde jan-jaqty túsinik berdi. Sehtaǵy ozat óndiristik býyndar qatarynda Vıktor Solovev jetekshilik etetin brıgada aldymen atalady. Quramy 12 jumysshydan turatyn ujym shaǵyn bolǵanymen, atqaryp otyrǵan isteri iri. Bıylǵy bes aıda valsovshık jigitter 70 myń tonnadan astam qańyltyr qaqtaǵan. Jumystaryn qyzyqtaýshylarǵa “Burynǵy ýaqyttarǵa qaraǵanda, eńbegimiz anaǵurlym jeńildedi. Jumys tolyqtaı avtomattandyrylǵan, kompıýterlik júıemen basqarýǵa kóshirilip keledi. Bizde orys, nemis, ýkraın, qazaq jastary ıyq tirestirip eńbek etedi. Maqsat toǵysqan, tilek ushtasqan bir komanda sanaımyz ózimizdi”, dedi ol. Mundaı sehqa ekskýrsııany bir kúnde aıaqtap shyǵý múmkin emes. Oǵan qatysýshylar taǵy da aralaýǵa kóńilderi soǵatyndyǵyn aıtqanda tilek qabyl alyndy. Al kásiptik mektep pen joǵary oqý oryndarynyń bolashaq túlekteri ishinen metallýrgter qataryn tolyqtyrýdy armandaý­shylar ańdalmaı qalmady. Temirtaýlyqtar Qazaqstan Magnıtkasy dep maq­tana ataıtyn osynaý óndiris oshaǵy qulashy ser­pindi, keleshegi keń, sheber ári bilikti maman­dar­dy qajetsinedi. Olardy iriktep alýǵa múmkindik bar. Qurysh qala qashanǵydaı dostyq pen birlikke tuǵyr. Ol bıiktegen saıyn qýat-kúshi, abyroı-bedeli asqaqtaı túsýde. Magnıtka ottary alysqa jarqyraıdy. Aıqyn NESIPBAI. TEMIRTAÝ.