50 keli salmaqta el namysn qorǵap jatqan otandasymyz jartylaı fınalda qytaılyq Vý Iýmen qolǵap túıistirip, tóreshiler sheshimimen utyldy. Alaıda, Olımpıada oıyndarynyń qola júldesin qanjyǵasyna baılady. Nazymnyń bul júldesi - el qorjynyna túsken úshinshi qola medal.
Bul – Nazym Qyzaıbaıdyń alǵashqy Olımpıadasy. Ol osyǵan deıin álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony atanǵan.
Nazym Qyzaıbaı Olımpıada oıyndarynda eń alǵash ótkizgen jekpe-jeginde Italııa boksshysy Djordana Sorrentınony jarys jolynan taıdyrdy.
Al ekinshi jekpe-jeginde brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn. Sonymen qatar shırek fınalda Kolýmbııa boksshysy Karolaın Barbozany jarys jolynan shyǵaryp, jartylaı fınalǵa shyqqan bolatyn.
Esterińizge sala keteıik, Fransııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Olımpıadashylar 32 sport túrinen 329 medal jıyntyǵyn sarapqa salyp jatyr.
Qazir Qazaqstan quramasynyń qorjynynda 1 altyn, 1 kúmis, 3 qola medal bar.
