Paıdalanýǵa berilgen nysan ishin múlikpen toltyrý da – mańyzdy mindet. Qazir óńirdegi osynaý qajettilikti «Alataý progress kz» JShS ótep otyr. 2009 jyly qurylǵan kompanııa osy ýaqytqa deıin óndiristi damytý jáne óndiristik qýattylyqty arttyrý baǵytynda aýqymdy jumystar atqardy. О́ndiris aýmaǵy 20 myń sharshy metrge, al quıylǵan ınvestısııa kólemi 4 mlrd teńgege jetti. Kásiporyn 100-den asa adamdy jumyspen qamtyp otyr.
Germanııa, Qytaı jáne Reseıden jetkizilgen zamanaýı tehnologııalarmen jabdyqtalǵan kásiporynda joǵary sapaly standarttarǵa saı jıhazdar óndiriledi. Jobalaý jáne óndirý kezeńderinde jıhazdyń yńǵaılylyǵy men sapasyna aıryqsha kóńil bólinedi. «Alataý progress kz» oqýshy men muǵalim ústelin, oryndyq, shkaf jáne arnaıy jıhaz shyǵarýmen aınalysady.
Kásiporyn basshysy Berik Jıenbaev zaýytta óndiriletin mektep jıhazy tapsyrys berýshiler tarapynan joǵary baǵalanyp, suranysqa ıe ekenin erekshe atady. 2023 jyldyń qorytyndysynda kásiporynnyń óndiris kólemi 2 mlrd teńgeni quraǵan.
«Jaıly mektep» ulttyq jobasynyń shapaǵatyn bıznes ókilderi de sezinip jatyr. Sebebi qurylys qarqyn alyp, óndiriletin ónimderge suranys eselep artty. Sonyń nátıjesinde ótken jyldyń tabysyn bıyl jarty jylda oryndadyq. Osy joba aıasynda oblysta 17 mekteppen kelisimshart jasaldy. Bizdiń «Altamir» brendtik jıhazdarymyzǵa ózge óńirlerden de tapsyrys túsedi. Mektep jıhazdarynyń sapaly ári zamanaýı, ekologııalyq taza ónimnen óndirilýine, sondaı-aq oqýshy jasy men boıyna saı kelýine basa kóńil bólinedi», dedi kásiporyn basshysy.
О́ńirge issaparmen kelgen Májilis depýtaty Maksım Rojınniń aıtýynsha, «Jaıly mektep» jobasymen salynatyn mektepterdiń ishki jabdyǵyna 100 paıyz otandyq óndiristiń ónimi qoldanylýǵa tıis.
«Sáıkesinshe, zamanaýı jıhaz da barlyq qaýipsizdik talabyna sáıkes bolýy shart. Keıingi kezde ónim óndirýde otandyq ónimniń úlesi artyp keledi. Degenmen onyń kólemin ulǵaıtý jáne daıyn ónimdi satý aýmaǵyn keńeıtý baǵytynda áli de aýqymdy jumys isteý qajet. О́ıtkeni ekonomıkanyń negizgi bóligi bolatyn jeńil ónerkásiptiń mysyn ımport basyp tur. Biz óz tarapymyzdan otandyq ónim óndirýshi kásiporyndarǵa kómektesýge daıynbyz», deıdi depýtat.
Qarasaı, Jambyl aýdandarynyń turǵyndaryn turaqty eńbekpen, mardymdy jalaqymen qamtamasyz etip otyrǵan óndiris oshaǵyna bilikti maman tartý da – kásiporyn saıasatynyń mańyzdy bir tarmaǵy. Búginde kadr tapshylyǵynyń aldyn alý úshin aýdan ortalyǵyndaǵy kásiptik kolledjdermen memorandým jasalyp, jas mamandardy eńbekke tartý jáne sheteldik zamanaýı qurylǵylardy basqaratyn operatorlyqty oqytyp, meńgertý isteri júıeli jolǵa qoıylyp keledi.
«Altamir» metall óńdeý sehynda jumys istegenime 15 jyl boldy. Sehqa kelgen metall aldymen qıylyp, sodan keıin ıilip, sońǵy satysynda dánekerlenedi. Munda óz isine jaýapty ári tájirıbesi tolyqqan 40 adam eki aýysymda jumys isteımiz. Eńbekaqymyz turaqty tólenedi. Eńbek qaýipsizdigin únemi jadymyzda ustaımyz», deıdi seh brıgadıri Álıhan Abzaluly.
«Jaıly mektep» ulttyq jobasy aıasynda elimizde 369 mektep salý kózdelse, bıyl sonyń 217-sine tapsyrys berilgen. Jańa mektepterdi otandyq ónimmen qamtamasyz etýdiń basty maqsaty – kásipkerlerdi qoldaı otyryp, jergilikti halyqty jumyspen qamtyp, ál-aýqatyn arttyryp, turmysyn jaqsartý.
Almaty oblysy
