Baǵa baqylaýda

Qystyń kózi qyraýda dep aıtýǵa uıat. О́ıtkeni, bıylǵy qystyń kóktem men kúzden sál ǵana aıyrmasy bolyp tur. Kún jyly. Darııa da tolyq qatpady. Sonyń saldarynan Syrdyń boıyn qaıta-qaıta tuman basyp qalyp jatyr. Keıde ózimizdi Londonda ómir súrip jatqandaı sezinip te ketemiz. Burynǵydaı julqynyp soǵatyn jel de joq. Áıteýir, bıylǵy qys qaharyna mine almaǵan kúıi ornyn kóktemge bosatyp beretin shyǵar. Degenmen, qys qolaıly eken dep jylý maýsymy toqtap qalmaıdy. Jalǵasa beredi. Osy tusta qyzylordalyq turǵyndarǵa jaǵymdy jańalyqty jetkizgimiz keledi. Bıylǵy qańtar aıynan bastap «Qyzylorda jylý elektr ortalyǵy» MKK jylý tarıfiniń 3,6 paıyzǵa tómendegenin málim qyldy. Buǵan deıin tutynýshylar jylý úshin qosymsha qun salyǵyn eseptegende 85,1 teńge tólep kelgen. Aldaǵy ýaqytta bul soma 82,03 teńge bolmaq. Qyzylordada tek jylý baǵasy ǵana baqylaýda emes. Turǵyndar úshin qajetti ózge taýarlardyń da baǵasy sharyqtap ketpeýi qatań nazarda ustalady. Máselen, aımaqtaǵy azyq-túlik baǵasyn qadaǵalaý maqsatynda  turaqtandyrý qoryn basqarý komıssııasy, shtab jáne jumys toby jumys isteıdi. Oblystyq aýylsharýashylyq basqarmasynyń basshysy Dáýirbek Ábýovtiń aıtýynsha, «Baıqońyr» áleýmettik-kásipkerlik korporasııasy» ulttyq kompanııasy» AQ-tyń enshiles «Qyzylorda qarjy kompanııasy» seriktestigi men «Mıras» saýda ortalyǵynyń arasynda arnaıy kelisim jasalǵan. Atalǵan áriptestik kelisimge sáıkes kókónis ónimderi bazar baǵasynan 15-20 paıyz arzanǵa satylyp jatyr. Sondaı-aq, jańa jyl qarsańynda «Tómen baǵa» logotıpi ilingen 4 saýda oryndary ashylǵan. – О́tken jyly oblys turǵyndaryn sapaly ári arzan kókónispen, aýylsharýashylyq ónimderimen qamtamasyz etý maqsatynda 60 jármeńke ótkizilip, 266 mıllıon teńgeniń ónimi naryqtaǵydan 15-20 paıyz tómen baǵamen satyldy,– deıdi Dáýirbek Keńesuly. Oblysqa qarasty aýdandar men qalada ornalasqan saýda-sattyq dúkenderimen áleýmettik mańyzy bar taýarlarǵa negizsiz ústeme qospaý máselesi jóninde túsindirý jumystary júrgizilip, saýda oryndarynyń ıelerimen yntymaqtastyq memorandýmǵa qol qoıylǵan. Mamandardyń aıtýynsha, búgingi kúni oblystyń azyq-túlik naryǵyndaǵy jaǵdaı turaqty, suranysqa ıe taýar­lardyń jetispeýshiligi baıqalmaıdy. Qysqasy, Qyzylorda oblysynda baǵa sharyqtap, halyq artyq shyǵynǵa batyp jatqan jaǵdaı joq. Eki ıininen demalyp daǵdarys kep qalsa da, baǵany qalypty jaǵdaıda ustap otyr. Erjan BAITILES, «Egemen Qazaqstan». QYZYLORDA.