«Qara jáshiktiń» múmkindigi men áleýeti

Internetke «jasandy ın­tellekt» dep jazsańyz, al­dyńyzdan robot beınesi, mı­dyń sýreti, kóp sıfr men tań­ba shyǵa keledi. Bizdiń sanamyzda jasandy ıntellektiniń beınesi osyndaı. «Yandex Qazaqstan» kompanııasy­nyń jasandy ıntellekt tehno­logııalaryn damytý jónin­degi dırektory Aleksandr Kraınovtyń aıtýynsha, ne­gizinde jasandy ıntellekt «qara jáshik» ispetti. Bul jáshiktiń ishinde kúr­deli she­malar, neırondyq jeli­ler ­bolady. Ol neıron­dyq jeliler birneshe qabat­tan, qabattar neırondardan turady. Neıron – qara­pa­­ıym formýla. Munda bir­neshe málimet engizilip, bir sheshim shy­ǵarylady.

Jasandy ıntellektiniń oqy­tý jáne qoldaný degen eki kezeńi baryn eskersek, adam ázirlegen robot ózdigimen eshteńe úırene almaıdy. Onyń baǵdarlamasyna túrli dúnıeni engizetin, oqytatyn – adam. Qandaı da bir robotty jasap, ózdigimen jibere salsańyz, onyń qazirgi deńgeıi men 10 jyldan keıingi deń­geıi bir bolady. Al adam mıy kún saıyn jańa málimet qabyldaıdy.

Jalpy, jasandy ıntellekt týraly túsinikti jetki­zý qıyn. Ol týraly naqty túsinik joq. Árkim ártúrli pikir aıtady. Bireýler jasandy ıntellekt adamǵa tán qabiletterdi júzege asyra alatyn mashına deıdi. Aleksandr Kraınov ony adam sheshe almaıtyn esepterdi sheshýge qaýqarly qural dep otyr. Máselen, adam op-ońaı aqýyz molekýlasynyń qu­rylymyn aıta almaıdy. Jasandy ıntellekt adam mıyna kirip-shyqpaıtyn osyn­daı boljamdardy boljaı alady. Biraq ol barlyq jaǵdaıda shyndyqqa janas­paýy múmkin. Senimdilik úshin faktchekıng jasaǵan abzal.

Qaıtkende de jasandy ıntellekt bizdiń ómirimizdiń bir ajyramas bóligine aınaldy. Qazir jasandy ıntellekti­niń tehnologııalaryn ǵana emes, ónimderin de jıi qolda­nyp júrmiz. Bir qýantatyny, qazaqtildi ónimder de kó­beıip keledi. Qazir «Yandex Qazaqstan» kompanııasy qa­zaq tilinde jasandy ıntel­lekt ónimderin ázirleýge bel­sendi túrde ınvestısııa salyp ­jatyr. Bul týraly «Qaz.AI» jasandy ıntellektini damytý qaýymdastyǵy uıym­das­tyrǵan sheberlik dáris ba­­ry­synda belgili boldy. Bul qadam elimizdiń jasandy ın­tellekt salasyndaǵy usta­­nymyn edáýir kúsheıtýge jáne jańa tehnologııalar­dyń ­damýyna yqpal etýge baǵyttalǵan.

«Qaz.AI» qaýymdastyǵy elimizdegi tehnologııalyq kompanııalardy biriktirip, bilim men tájirıbe almasý platformasy retinde qyzmet etedi. Qaýymdastyq quryl­­ǵan sátten bastap jasandy ıntellekt salasyndaǵy ult­tyq damý men operasııa­lyq júıelerdegi ózgeristerdi retteýmen aınalysyp keledi. Jaqynda qaýymdastyq she­berlik dáris ótkizip, jasandy ıntellektini qoǵamda qa­laı qoldanýǵa bolatynyn tú­sindirdi. Sondaı-aq oqý barysynda qatysýshylar jasandy ıntellektige baılanys­ty túrli másele men múmkindik týraly talqylap, bilimderin tereń­dete tústi.

Kezdesý barysynda «Qaz.AI» jasandy ıntellektini damytý qaýymdastyǵy «Yandex Qazaqstan»-nyń jańa múshe­si retinde qosylǵanyn habar­lady. Basshylyqtyń aıtýynsha, elimizde bul seriktestik jasandy ıntellektini engi­zý­di jyldamdatady ári birge kó­tergen júk jeńil bolary anyq.

«Yandex Qazaqstan»-nyń qaýymdastyqqa qosylǵany­­na qýanyshtymyz. Tájirıbeli, aýqymdy saraptamasy bar «Yandex Qazaqstan» sııaqty iri kompanııanyń múshelik etýi bizdiń múmkindigimizdi aı­tarlyqtaı arttyrady. In­no­vasııalardy ilgeriletýge jáne elimiz úshin negizgi bas­tamalardy qoldaýǵa kómek­tese otyryp, elimizde Ult­tyq jasan­dy ıntellektini da­my­tý baǵy­tynda qyzmet ete­miz», dedi Jasandy ıntel­lek­tini damytý qaýymdasty­ǵy­nyń tór­aǵasy Baqytjan Eshmuhambetov.