Foto: 24.kz
Tashkent qalasynda «Halyqtar dostyǵy kúnin» atap ótý aıasynda Abaı eskertkishine gúl shoqtary qoıyldy. Is-sharany sheteldermen ultaralyq qatynastar jáne dostyq baılanystar komıteti men jergilikti Qazaq mádenı ortalyǵy uıymdastyrǵan. Bul mereke kórshi memlekette keń kólemde atap ótilip keledi. Bıyl Tashkentte 30 shilde men 4 tamyz aralyǵynda halyqtar dostyǵyn nyǵaıtatyn buqaralyq is-sharalar men ǵylymı konferensııa ótkizildi. Taǵylymdy is-sharanyń aıasynda qazaqtyń oıshyl aqynynyń esimi ulyqtaldy.
– Abaıdy barlyǵymyz oqyǵanbyz. Onyń ádebıetke qosqan eńbegin jaqsy bilemiz. Halyqtar dostyǵy týraly kóp jazǵany belgili. Qazaq, ózbek halqynyń barys-kelisi jaıynda da kóp aıtqan. Barlyǵymyz yntymaqta, birlikte bolaıyq, – deıdi О́zbekstandaǵy Qazaq ulttyq mádenı ortalyǵynyń ókili Saparqul Jamalov.
Saltanatty rásimge Ultaralyq jáne dostyq qatynastar komıtetiniń tóraǵasy Rýstambek Qurbanov pen Qazaqstannyń О́zbekstandaǵy elshisi Beıbit Atamqulov qatysty. Eki el azamattary qos halyqtyń týystyq hám dostyq baılanystaryna tyń serpin beretin bastamalar týraly áńgimeledi. Derekke súıensek, О́zbekstanda 130-dan astam etnos ókili ómir súredi. Sonyń ishinde qandastarymyzdyń qarasy edáýir qalyń.
